Thursday 1 September 2016
နှမ်းထောင်စောင့်ချင်တယ်
နေဝင်စ ချိုးမရယ် ကူချိန်ပေါ့
အမေထည့်ပေးတဲ့ ထမင်းထုပ်ကို ပခုံးမှာထမ်း
အဖေသွေးပေးတဲ့ ဓားကို ခါးမှာထိုး
မိချောဆိုတဲ့ခွေးမလေးကိုခေါ်
မစိုးရိမ်ကုန်းပေါ် နှမ်းထောင်စောင့်ချင်တယ်။
ဟိုဘက်ယာက ဦးလေးတင်မောင်
ဒီဘက်ယာက ကိုမြင့်ထွေး
ခွေးဟောင်သံ တဟေးဟေးနဲ့ 
ကျုပ်တို့ နှမ်းထောင်ညတွေ။
မကွေး မကွေး
တစ်ကွေးတည်းကွေးတဲ့
မြွေပွေးလည်း ကြောက်ရသေးသဗျာ့ ။
နီးရာ အခင်းက ပဲကို ဆွတ်
နီးရာ အိုးမှာထည့်ပြုတ်
သူတစ်ဆုပ် ငါတစ်ဆုပ်နဲ့ 
ပဲ ပြုတ်တွေ ကုန်။
ဘက်ထရီမီး မလင်းတလင်း
လက်နှိပ်ဓာတ်မီး အားမှိန်မှိန်
ခွေးသားအမိကိုခေါ်လို့ 
ယာနားက အတိမ်ထဲ ည ကောင်လေးဘာလေးရမလား။
ဗျိုးးး
ဖိုးသာရဲ့ ကုန်းက လူတွေ
ဗျိုးးးး
ရွှေလက်ရ ကုန်းက လူတွေ
လူတွေ လူတွေ လာကြဗျ
ဒီမှာ ကျုပ်တို့  ပုတက်မ တစ်အုပ်ရလာတယ်။
နှမ်းရိုးမီးနဲ့ ပုတက်ကို မီးကင်
အသားနီလန်အောင် ဖုတ်
သူတစ်လုတ် ငါတစ်လုတ်နဲ့ 
သြော်...အိုင်တိုက နှမ်းထောင်ညတွေ။
စနေထောင့်က တက်လာတဲ့ မိုး
မနက်ဖြန်ညနေ အထိ
မလာပါနဲ့ ဦးလို့  တိုးတိုးလေးဆုတောင်း
ရွှေမိုးရယ် ပြိုမှာစိုးထင့်တယ်။
တစ်ရေးနိုးမှ
နှမ်းထောင်ကို ပတ်ကြည့်
မနက်အမေက
လူလေး နှမ်းထောင်ကို သေချာစစ်ခဲ့လား မေးရင်
ဘယ်အထောင်က ဘယ်လို
ဘယ်အထောင်က လဲနေလို့ ပြန်ထောင်ခဲ့ရတာဗျ လို့ 
ခပ်တည်တည်နဲ့ ရွှီး
ဟင်း ဟင်း အမေ့ကို ညာညာဖြီးမလို့ ။
ခါတရံ
မြောက်ဘက်ရွာက ကိုအောင်ကြီး ချက်အရက်
ထရံမှာ ကပ်ထားတဲ့ ဗူးသီးခြောက် နဲ့ သယ်
အဖေတို့ အမေတို့ မသိအောင်
နှမ်းထောင်စောင့်ရင်း တွယ်ခဲ့သေးသပေါ့။
မနက် နေမလာခင် အိမ်ပြန်ပြေး
စားကျင်းကနွားနှစ်ကောင်ကို လှည်းတပ်
အမေရယ်
နှမ်းခါတဲ့ နေ့လေးတော့
ကြက်သားလေးတစ်ဖတ်နဲ့ လွေးပါရစေလို့  အပူကပ်ရသေးသပ။
နေကျဲကျဲတောက်ပူမှ
ဝမ်းလှတဲ့ ဘဝပေမယ့်
မိုးဖြိုင်ဖြိုင်ရွာရင်လည်း
ဝမ်းဝဖို့  လုံးပန်းရသာပ
တောင်သူဆိုတာ သီးနှံသာ အမိ သီးနှံသာအဖရယ်ပါ။
အမေရယ်
ဒီမှာတော့
ဘိုကေလေးတသသနဲ့ 
ဖုန်မတင်တဲ့ဖိနပ်
လေပူမဟပ်တဲ့ အရပ်မှာမင့်
အမေချက်တဲ့ ချဉ်ပေါင်နီတာလန်ဟင်းကိုစား
အဖေ သွေးတဲ့ ဦးသာလှ ပန်းပဲကျ လေးဓားမနဲ့ 
ခွေးသားအမိကိုခေါ်
မစိုးရိမ်ကုန်းပေါ်မှာ
ဟိုဘက်ယာ ဒီဘက်ယာ သီးချင်းတစာစာနဲ့ 
နှမ်းထောင်သာ ပြန်စောင့်ချင်တော့တာပဲ အမေရေ။
လူခါး
တစ်ခါက နှမ်းထောင်စောင့်ခဲ့သော ညများသို့ 
01.09.2016: thu; 12:23 am
Tokyo
့
Labels:
ကဗျာရှည်
Subscribe to:
Post Comments (Atom)
No comments:
Post a Comment