မေတ္တာ

              မေတ္တာကိုကျွန်တော့်မိတ်ဆွေတစ်ယောက်ကသူတပါးအပေါ်မှာထားအပ်သော တရားဟုအဓိပ္ပါယ်ဖွင့်ပြဖူးသည်။ထို့နောက် မေတ္တာအကျိုးသက်ရောက်မှု၊ မေတ္တာနှင့် စေတနာတို့ကွဲပြားခြားနားပုံတို့ကို အသေးစိတ်ပြောပြခဲ့ဖူးသည်။

မေတ္တာနှင့် စေတနာသည်ဆင်တူမယောင်ရှိသော်လည်းလွန်စွာကွဲပြားခြားနားလှပေသည်။ စေတနာရှိက မိမိပိုင်ဆိုင်သော စည်းစိမ်ဥစ္စာအားသူတထူးအားလွယ်လင့်တကူပေးနိုင်သည်။လွယ်လင့်တကူပေး၍ရသည်။ လူတစ်ဦးတစ်ယောက်၌ စေတနာရှိသည်၊မရှိသည်ကိုထိုသူ၏ ပေးကမ်းစွန့်ကြဲမှုပေါ်တွင်ကြည့်ကာသိနိုင်သည်။

မေတ္တာကားထိုသို့မဟုတ်။ မေတ္တာကား စေတနာကဲ့သို့အခြားတစ်ဦးတစ်ယောက်အားလွယ်လွယ်ပေး၍ ရနိုင်သောအရာမဟုတ်။ရနိုင်သည်ထားဦး။လူတိုင်းအားပေးနိုင်ရမည်မှာလွယ်ကူသည့်ကိစ္စမဖြစ်နိုင်။မိမိအပေါ်၌ နာကျင်အောင် ပြုမူထားသူအပေါ်တွင် မေတ္တာထားရန်မှာသာ၍ပင်ဆိုးသေးသည်။သို့သော်ထိုကဲ့သို့မလွယ်ကူလှသော
ကိစ္စအားအထက်ဖော်ပြခဲ့သောကျွန်တော့်မိတ်ဆွေကလက်တွေ့လုပ်ပြခဲ့သည်။ထိုနေ့ကငါးသင်္ဘောဆိုက်သည့်နေ့ ဖြစ်သည်။ ကျွန်တော်နှင့်ကျွန်တော့်မိတ်ဆွေသည်အလုပ်သမားရုံထဲမှထွက်ကာ မြစ်ကမ်းစပ်ဘေးသို့ လျှောက်လာခဲ့ကြသည်။ ငါးသင်္ဘောဆိုက်ကပ်သည့်အချိန်ဖြစ်သဖြင့်ငါးထမ်းအလုပ်သမားများက တောင်းတစ်ယောက်တစ်လုံးဖြင့်သင်္ဘောပေါ်မှငါးများအား ထမ်းချနေချိန်ဖြစ်သည်။

ကျွန်တော်နှင့်ကျွန်တော့်မိတ်ဆွေကမြစ်ကမ်းဘေးရှိကျောက်တုံးကြီးပေါ်တွင်ကိုယ့်အတွေးနှင့် ကိုယ်ရပ်နေမိကြသည်။လှိုင်းလုံးကလေးများကကမ်းစပ်သို့အရှိန်နှင့်ပြေးပြေးဆောင့်လျှက်ရှိသည်။ထိုအချိန်တွင် စက်တပ်လှေတစ်စင်းက ကျွန်တော်တို့နှင့်မနီးမဝေးရှိကမ်းစပ်သို့ထိုးကပ်လာသည်။  လှေပေါ်၌ပါလာသော ခရီးသည်များကအားစိုက်ကာကမ်းပေါ်သို့ခုန်တက်လာကြသည်။စက်လှေကလေးမှာကမ်းပေါ်သို့ခုန်တက်လိုက် ကမ်းစပ်နှင့်ကွာသွားလိုက်၊လူတစ်ယောက်ခုန်တက်လိုက်ကွာသွားလိုက်ဖြင့် မြင်ကွင်းကစွန့်စားမှုအသေးစားကလေးပင်ဖြစ်သည်။

ထိုအချိန်တွင်စက်လှေပေါ်၌ နောက်ဆုံးကျန်နေသောခရီးသည်တစ်ဦးကကမ်းပေါ်သို့လွှားခနဲခုန်တက်လိုက်သည်။ သို့သော်ထိုလူသည်ကမ်းပေါ်သို့မရောက်လိုက်။ထိုလူကခုန်တက်ရန်အားယူလိုက်စဉ်မှာပင် လှေကရုတ်တရက်ကမ်းစပ်မှ ကွာသွားသည်။ ထိုလူသည် ရေထဲသို့ ပုံပျက်ပန်းပျက် ကျသွားတော့သည်။

အဖြစ်အပျက်က မြန်ဆန်လွန်းလှသည်။ကျွန်တော်ကြောင်၍ကြည့်နေစဉ်မှာပင်ကျွန်တော့်မိတ်ဆွေက ကမ်းစပ်သို့ပြေးဆင်းသွားသည်။ လှေပေါ်မှ ချော်ကျသောလူသည်အသက်ကြီးရင့်သူတစ်ယောက်ဖြစ်သဖြင့် တော်တော်နှင့် မထနိုင်ဘဲ ဖြစ်နေသည်။ကျွန်တော့်မိတ်ဆွေကထိုသူအားထူပေးသည်။ထိုလူသည်ရွှံ့တို့ဖြင့်ပေကျံလျှက်ရှိသည်။ ကျွန်တော့်မိတ်ဆွေသည်လည်း ရွှံ့တို့ဖြင့် ပေကျံသွားတော့သည်။ ထိုလူကကျွန်တော့်မိတ်ဆွေအား ပြုံး၍ပင် မပြဘဲ ကမ်းနားအလုပ်သမားရုံး ရှိရာသို့ ထွက်သွားလေတော့သည်။

`ခင်ဗျား ဘာလို့ သွားထူတာလဲ´

ကျွန်တော်က မေးလိုက်ခြင်းဖြစ်သည်။ကျွန်တော့်မိတ်ဆွေကကျွန်တော့်မေးခွန်းအားချက်ချင်းအဖြေမပေးဘဲ ခပ်ပြုံးပြုံးလုပ်နေသည်။ထိုအပြုံးထဲတွင်ကျွန်တော့်မေးခွန်း၏အဖြေအား တွေ့လိုက်ရသည်ဟုကျွန်တော်ထင်သည်။ ထို့နောက် ကျွန်တော်တို့နှစ်ယောက် အလုပ်သမားတန်းလျားကလေးရှိရာသို့ ပြန်လာခဲ့ကြသည်။

ကျွန်တော်ပြောရန်တစ်ခုကျန်သွားခဲ့ပါသည်။ကျွန်တော့်မိတ်ဆွေသွားထူပေးခဲ့သော လှေပေါ်မှပြုတ်ကျသော ပုဂ္ဂိုလ်သည်အလုပ်သမားခေါင်းဖြစ်၍ကျွန်တော်တို့ နှစ်ယောက်ကသူ့လက်အောက်မှငါးဖမ်းအလုပ်သမားများ ဖြစ်ကြပါသည်။ ယနေ့သည် အလုပ်ချိန် ငါးမိနစ်ခန့်နောက်ကျသဖြင့် ကျွန်တော်နှင့် ကျွန်တော့်မိတ်ဆွေအား ထိုပုဂ္ဂိုလ်မှ အလုပ်ဆင်းခွင့် ပိတ်ပင်သောနေ့ဖြစ်သည်။

တနည်းအားဖြင့် မိမိကို နာကျင်စေသောသူ တစ်ယောက်အပေါ်၌ မေတ္တာထားတတ်သော လူတစ်ယောက်ကို အမှန်တကယ်တွေ့ရှိခဲ့သော နေ့လည်းဖြစ်ပါသည်။

                                                                                       လူခါး
                                                                     စာပွင့်လွှာမဂ္ဂဇင်း၊ ၂၀၁၂ ၊ စက်တင်ဘာ