ငါ့ သူငယ်ချင်း ဘူတာကို လူကြီးတွေ လာတဲ့နေ့ က

လူကြီးတွေ ဆိုလို့ ကြည့်လိုက်တာ
အသက်ကြီးကြီး လူတွေသာတွေ့ ရ။

ငါ့သူငယ်ချင်းခမျာ့
ကျောက်မိုင်းခွဲ သမားရဲ့ ဝတ်စုံနဲ့ တူတဲ့ 
စုပ်ပြတ်နေတဲ့  ယူနီဖောင်းကို ကပြာကယာဝတ်
လောက၀ဋ်ကို စခဲ့ပေါ့ ။

လူကြီးတွေရဲ့ ဝတ်စုံကျတော့
လူကြီးတွေ ရဲ့ ဝတ်စုံ လိုပဲပေါ့ ။

လူကြီးတွေက
ငါ့ သူငယ်ချင်းဘူတာမှာ
ကပ်ရပ်ရောင်းတဲ့
ပလက်ဖောင်းဈေးသည်တွေကို လက်ညှိုးနဲ့ ထိုးတယ် ။
ပုခုံးထမ်းခေါင်းရွက်တွေကို မျက်လုံးနဲ့ ရှင်းတယ် ။

ဒီအမှိုက်...ဒီအမှိုက်...ဒီအမှိုက်...စသဖြင့် 
ငါ့ သူငယ်ချင်းကို ငေါက်ငမ်းတယ် ။

ငါ့ သူငယ်ချင်းခမျာ့
ရထားလက်မှတ်ရောင်းလိုက်
ခရီးသည်များ ကျေးဇူးပြု၍ နားဆင်ပါ...အော်လိုက်
သူတို့ လက်ညှိုးတွေကို ဦးခိုက်လိုက်နဲ့ 
သူ့ ကိုယ်နဲ့  သူများစိတ်
ပါဝါဆိပ် သင့်ခဲ့ပေါ့ ။

တိုက်ပိတ်ခံရတဲ့ အကျဉ်းသားလို
(ကန်တော့ပါရဲ့ ကွာ)
ချောင်ပိတ်ခံရတဲ့  ခွေးလို
ခေါင်းကုပ်လိုက်..မေးစေ့ပွတ်လိုက်
ခေါင်းညိတ်လိုက်...ပြုံးပြလိုက် ။

ငါသိတယ်
ငါ့ သူငယ်ချင်း ရင်ဘတ်ထဲမှာ ယားနေပြီ ။

မလုပ်နဲ့  သူငယ်ချင်း....   မလုပ်နဲ့  ။

သူတို့ ပါးစပ်ထဲက အာဏာက
အရူးလက်ထဲက သေနတ်ပဲ ။

မလုပ်နဲ့  ။

မင်းဘူတာက ငါ့အတွက်
ဆော့ခရတ္တိရဲ့   အိမ် ။

မင်းဘူတာက
အ၀တ်မကပ်နိုင်တဲ့ လေလွင့်ကလေးငယ်တို့ အတွက်
ကစားကွင်း ။

မင်းဘူတာက
လောကဓံနဲ့  မျက်နှာကြော မတဲ့သူတွေ အတွက်
အရက်ဆိုင် ။

မင်းဘူတာက
ငွေပေးမှ ၀င်လို့ ရတဲ့ ခေတ်ထဲမှာ
ငွေကြေးချို့ တဲ့ သူ စုံတွဲတွေ အတွက်
 ပြည်သူ့  ရင်ပြင် ။

ယုတ်စွအဆုံး
မင်းဘူတာက
ခွေးလေ ခွေးလွင့်တွေအတွက် ဘုံဗိမ္မာန်လည်း ဖြစ်တယ် ။

မင်းဘူတာထဲမှာ
၅၁ သန်းထဲက အဆင်းရဲဆုံးဖြစ်တဲ့ 
ကောက်တို ဆိုတဲ့  လူတစ်စုကနေ
ဘယ်သူ့ အမိန့် မှ နာခံစရာ မလိုတဲ့ 
ခိုကလေးတွေ အထိရှိတယ် ။

မလုပ်နဲ့  သူငယ်ချင်း...မလုပ်နဲ့ ။

မင်းလို ကိုယ်ချင်းစာတတ်တဲ့  ဘူတာစာရေးလေးက
တစ်ခဏ ၊တစ်နာရီ ၊တစ်ည
နားခိုသူတွေအတွက်
အစားထိုးမရတဲ့ ဆုလာဘ် ။

မင်းဆီမှာ ရထားလက်မှတ်တစ်စောင် ၀ယ်ယူခြင်းဟာ
သူတို့ ထမင်း သူံးနပ်စားရဖို့ အတွက်
ခြွေတာခြင်းလို့  မင်းမှတ် ။

သူငယ်ချင်း.....
ရထားခဲပစ် ထောင်ဆယ်နှစ် ဆိုတာ
မင်းမဆိုချင်တဲ့  သီချင်းမှန်း ငါတို့ သိတယ် ။

အပိုကြေး တောင်းခံလျှင်
..........သို့  ဆက်သွယ်တိုင်ကြားနိုင်ပါသည် ...ဆိုတာ
မင်းနဲ့  ဘာမှ မဆိုင်တဲ့ တံဆိပ်မှန်း ငါတို့ သိတယ် ။

မလုပ်နဲ့  သူငယ်ချင်း....မလုပ်နဲ့ ။

သူတို့ သေသွားရင်
သူတို့ နာမည်တွေဟာ
သူတို့ ရဲ့  အရာမ၀င်ခဲ့တဲ့ ဂုဏ်ဒြပ်တွေနဲ့ အတူ
ပျောက်ဆုံး သွားမှာပါ ။

မင်းသေသွားရင်တော့
မင်းရဲ့ နာမည်ဟာ
ရေးမထားလည်း
ဒီဘူတာလေးမှာ အမြဲတမ်း ရှိနေမယ့် အရာ  ။...။


                          လူခါး
                       07 .10 . 2014 , tue