Tuesday 4 December 2012

ဘနဖူး သိုက်တူးစို့ လိုက်ဦးမလား



မိခင်၏ စိတ်မထင်တိုင်း အရိုက်ခံ နေရသည့် ကလေးငယ် တစ်ဦးနှယ် ကွာလာလမ်ပူ မြို့တော်သည် နေမင်း၏ ကိုယ်ဖိ ရင်ဖိ အညှာ အတာ
ကင်းမဲ့စွာ ပူလောင် နေမှု အောက်တွင် အငွေ့ တလူ လူနှင့် ရုန်းထွက် နေရှာ သည်။ ဥဒဟို ဖြတ်သန်းသွား လာနေ ကြသော လူတို့သည် စက်ရုပ်များ ကဲ့သို့ ပြုံးခြင်း၊ ရယ်ခြင်း ကင်းမဲ့လျက်။ မျက်လုံး အကြည့်များ ပင်လျှင် လေးညှို့မှ ပစ်လွှတ်လိုက် သည့် တစ်စုံ တစ်ခုကို စိုက်ဝင် တော့မည့် မြားတံတို့ ပမာ စူးမြလျက်။

ကျွန်တော်နှင့် တွေ့ဆုံရန် ချိန်းဆို ထားသော သူ၏ မျက်လုံးတို့ သည်ပင် သက်မဲ့ ကျောက်ဆစ်ရုပ် တစ်ရုပ်၏ မျက်လုံးများ ပမာ မျက်တောင် ခတ်သည်မှအပ အေးတိ အေးစက်။

သူသည် ကျွန်တော်နှင့် တွေ့လျှင်တွေ့ချင်း စကားမဆို နိုင်သေးဘဲ ၀င်ဝင် လာသမျှ ဖုန်း မက်ဆေ့ခ်ျများကို  တစ်တောက် တောက်ဖြင့် ပြန်ရိုက်ပေး နေလေသည်။

သူ၏ လက်ချောင်း ကလေး များသည် လိုချင်သည့် ဂဏန်း၊ စာလုံး တို့ကို အလွဲ အချော် မရှိ ခပ်မြန်မြန် ရိုက်နှိပ် နေသည်မှာ ချိန်သား တကျ ကွက်တိ။

ထို့နောက် နောက်ဆုံး ပေါ် ဖုန်းကလေးကို ခါးပတ် အိတ်ထဲ ပြန်ထည့်ကာ သူ သည် ကျွန်တော့်ကို အကဲ ခတ်သလို တစ်ချက်ကြည့် သည်။ သူ့အကြည့်၏ အောက်တွင် ပိန်လှီလှသော ကျွန်တော့် ခန္ဓာကိုယ်သည် ပို၍သေး ငယ်သွားသည်ဟု ပင် ခံစား လိုက်ရသည်။

“အေးဗျာ ခင်ဗျားက တော့ ကုန်ကြမ်းပေါ့။ ကျုပ် ကတော့ ဒီခရီး လမ်းကို ခပ် ကြမ်းကြမ်း လျှောက်ခဲ့ရတာ”
စကားကို အစသန်းပြီး နောက် သူ့အကြည့် တို့သည် ဘေးဘီမှ ဖြတ်သွားဖြတ် လာတို့ထံ ရောက်သွားပြန် သည်။ သူသည် လွန်ခဲ့သော နှစ်များကဲ့သို့ပင် စကား ပြော လျှင် ကျုပ် ကျုပ်နှင့်ပင် ပြော နေသေး သည်ကို သတိထား မိလိုက်သည်။

“ကျုပ် ဒီကို စတက်လာ တော့ အခုလာ နေကြတဲ့ လူတွေလို လေယာဉ်ပျံနဲ့ ဘယ်ဟုတ် မလဲ။ ကျားကုတ် ကျားခဲ နယ်စပ်ကို ဖြတ်ပြီး တော့ ထိုင်းနိုင်ငံ ကနေ တစ်ဆင့် လာရတာ။ ထိုင်းမှာ ဘာလုပ်ရ သလဲဆိုတော့ လှေ လိုက်ရတယ်။ မုန်တိုင်း မိတဲ့ နေ့တွေဆို လှိုင်းတွေ မူးပြီး တော့ အန်လိုက်တာ၊ ထမင်း တောင် မစား နိုင်ဘူး။ ထိုင်း စကားနဲ့ ကတိုင် လို့ခေါ်တဲ့ ပဲ့နင်း ကတော့ စက်ကလေး တစ်လုံးနဲ့ ဇိမ်ပေါ့။ အခုပေါ် တဲ့ CCTV လိုပေါ့။ ရေလုံ တယ်။ အဲဒါလေးကို လှေ အောက်ချ လိုက်တာနဲ့ လှေ အောက်မှာ ဘာငါး ရှိတယ်ဆို တာ သိတယ်။ အစက် အပြောက် ကလေးတွေ မြင် တာနဲ့ သိတာနော်။ အဲဒါ ပဲ့နင်းရဲ့ သဘာပေါ့”

“ပဲ့နင်းကြီးရယ် ပဲ့နင်း ငယ်ရယ်က ထိုင်းလူမျိုး တွေ ပေါ့။ ကျန်တာ အားလုံး မြန်မာ လူမျိုးတွေ။ ရေရှူး လို့ခေါ်တဲ့ လှေခေါင်းဆောင် ကလည်း မြန်မာပဲ။ သူ့တာဝန် က လှေသမား တွေကို အုပ် ချုပ်ရတယ်။ အနည်းဆုံး လှေ လိုက်သက် ၅ နှစ်ရှိတဲ့ လူပေါ့။ လှေ တစ်စီးလုံး အကျွမ်း ကျင်ဆုံးပဲ။ မတော် လို့ လှေရဲ့ ပန်ကာနဲ့ ရေ အောက်မှာရှိတဲ့ ဒိုက်တွေ အမှိုက် တွေနဲ့ ငြိနေတဲ့အခါဆို အဲဒီလူက ရေဆင်းငုပ်ရ တယ်။ သူ တစ်ခုခု ဖြစ်ရင် ကူဖို့ နောက်တစ်ယောက် လည်း ရှိတယ်။ သူတို့တွေ လည်း လစာကောင်း တာပဲ။ ပဲ့နင်းတွေ လောက်တော့ မရ ဘူးပေါ့။ ထိုင်းဘတ် အနည်း ဆုံး ခြောက်ထောင်ပေါ့။ လစာတွေ ကတော့ မတူကြ ပါဘူး။ လုပ်ရတဲ့ အလုပ်ပေါ် မူတည်ပြီး ငါးထောင် ကနေ ရှစ်ထောင် အထိ ရှိတာပေါ့”

“နောက်ထပ် ပိုလျှံစား ဆိုတာ ရှိသေးတယ်။ ကီလို စားပေါ့။ ငါးဈေးက ငါးကြီး ရင် ကြီးသလို ၁ ကီလို သုံး ဆယ့်ငါးဘတ်။ အလတ်ဆို နှစ်ဆယ့်ငါးဘတ်။ အသေး ကျတော့ ဆယ့်ရှစ်ဘတ် ကနေ နှစ်ဆယ် အထိရှိတယ်။ ကီလို စားနဲ့ရတာ က ငါး ၁ ကီလို ဈေးက သုံးဆယ် ဆိုရင် သုံး ဘတ်ရတယ်။ ကီလိုတစ် ထောင်ဆို ဘတ်သုံးထောင် ပေါ့။ ကံကောင်းရင် သုံးလေး ရက်နဲ့ မြိုးမြိုး မြက်မြက် ရ တတ် သလို ကံမကောင်းရင် တော့ တစ်လကိုး သီတင်း ကြာတတ် တယ်”

ကျွန်တော်သည် သူ ပြောသမျှ စကား တို့ကို မီနိုင်သလောက် လိုက်မှတ် နေရာမှ စကား ပြောရပ်သွား သော သူ့ကို မော့ကြည့်မိ သည်။ သူသည် ပင်ယံထက် ဆီမှ တဝေ့ဝေ့ ကြွေကျနေ သော ၀ါကြန့်ကြန့် ကုက္ကို ရွက်တို့ကို နှမြောတသ သလို ငေးနေ လေသည်။

သူနှင့် ကျွန်တော်သည် လွန်ခဲ့ သော သုံးနှစ်ခန့်က ဂျို ဟိုးဘာ ရူးပြည် နယ်တွင် ဆုံခဲ့ ဖူးသေးသည်။ မြန်မာပြည်မှ ရောက်လာ ကြသော ကျွန်တော်နှင့် အခြား လေ့လာ သူများ သိလို သမျှကို သူက ပို့ဆောင် ဖြေကြားပေး ခြင်း ဖြစ်သည်။

သူသည် ထိုစဉ် ကတည်းက စကားကို လို သည်ထက် ပိုမပြော တတ်မှန်း သိခဲ့သော်လည်း ယခုကဲ့သို့ ပြောင်ပြောင် ရောင်ရောင်တော့ မဖြစ်သေး။ ယခု သူစီးလာ ခဲ့သော ကားသည် ပင်လျှင် မြန်မာပြည်မှ ကျွန်တော့် အိမ်ကလေး မျိုးအလုံး တစ်ရာထက် မနည်း တန်နေ  ပေလိမ့်မည်။

“အဲဒီကမှ ဒီမလေးကို တက်လာတာ။ မလေးလို လည်း မတတ်၊ E လိုလည်း မတတ် ပေါ့ဗျာ။ ပထမဆုံး လုပ်ရတဲ့ အလုပ်က ကား ချိတ်တဲ့ အလုပ်။ ထိုင်းကနေ မလေးကို ပို့ပေးတဲ့ အခရော၊ အလုပ်ရှာ ပေးတဲ့ အခရော အားလုံးပေါင်း ပွဲစားကို မလေးငွေ ထောင့်နှစ်ရာ ပေးရတယ်”

“ကျုပ်လုပ်ရတဲ့ ကားချိတ်တဲ့ အလုပ်က ကုမ္ပဏီတွေ ရုံးခန်းတွေနဲ့ မဟုတ်ဘူး။ ကျုပ် သူဌေးက တရုတ်။ ကွမ်း အမြဲစားတယ်။ ခါးမှာ ပတ်ထားတဲ့ အိတ်ထဲ မှာ အနည်းဆုံး မလေးငွေ နှစ်သောင်း လောက်တော့ အမြဲတမ်း ထည့်ထား နိုင်တယ်။ သူ့အိမ်မှာပဲ သူစား သလိုစား၊ သူနေ သလို နေရတယ်။ အလုပ်သမား လည်း ကျုပ် တစ်ယောက်တည်း။ လုပ်ရ တာကတော့ သူဌေးလက် ညှိုး ထိုးပြတဲ့ ကားကို ကားဆွဲ တဲ့ ချိတ်မှာ ချိတ်ပေးရုံပဲ။ တစ်နေ့ နှစ်ဆယ့် ငါးကျပ် ရ တယ်။ တစ်နေ့ကို တစ်စီး ချိတ်ရင် ချိတ်။ နှစ်စီးချိတ် ရင်ချိတ်။ ချိတ်ပြီးတာနဲ့ ကျုပ်အလုပ်ပြီးပြီ။ အိမ်ပြန် ရေမိုးချိုးပြီး နှပ်နေရုံပဲ။ ဘယ်လောက် နိပ်သလဲ”

“အလုပ်က အများကြီး လုပ်စရာ မလိုဘူး။ တစ်ရက် တစ်စီး။ လွန်ရော နှစ်စီးပေါ့။ တစ်ခါတလေ တစ်လလုံးမှ ဆယ်စီး။ ဘယ်လိုပဲဖြစ်ဖြစ်  ကျုပ်အတွက် တွက်ချေ ကိုက်တယ်။ လုပ်ခါစက တော့ ကျုပ် မသိသေးဘူး။ ကားပဲ ပြင်စရာရှိလို့ လာယူ သလိုလို၊ သူပဲ ၀ယ်ထား သလိုလိုနဲ့။ ကျုပ်သူဌေး လုပ်ပေါက် ပြောပါ တယ်”

“နောက်မှ သိရတာ။ ကျုပ်တို့ အလုပ်က ကားခိုးတဲ့ အလုပ်တဲ့။ ကျုပ်လည်း သိသိ ချင်း ကြောက်တာရော၊ လန့် တာရော ရောပြီး သူဌေးကို စိတ်တို တာပေါ့။ အဲဒီတုန်းက ကျုပ်အဖြစ်က ခါချဉ်ကောင် မာန်ကြီး တောင်ကြီး ဖြိုမယ့် ကြံခါးက မသန် ဆိုတဲ့ အဖြစ် မျိုး”

“ကျုပ် သူဌေးက အစွယ်ကောင်း တယ်ဗျ။ ကျုပ်ကို နေ့စားခ တိုးပေးတဲ့ အပြင် လုပ်ငန်း အောင်မြင်ရင် အောင်မြင် သလို ဘီယာလေး ဘာလေးတိုက်၊ ပျော်စရာ လေး ဘာလေးလည်း ရှာ ပေးလိုက်ပေါ့ ဟဲ ဟဲ“
“ကျုပ် သူဌေးရဲ့ ကွန် ရက်ထဲမှာ မျောသွားတယ်။ တစ်နေ့ ကျုပ် သူဌေးက ကျုပ်ကို ချိတ်ကားကို မောင်း ခိုင်းတယ် ကိုယ့်လူ။ သူနဲ့ ချိန်းထားတဲ့ နေရာလည်း ကျုပ် ရောက်သွားရော ဘယ် အချိန်က ရောက်နေမှန်း မသိ တဲ့ မလေးရဲ တွေက သေနတ် တွေနဲ့ ၀ိုင်းချိန် ထားလိုက်ကြ ပြီ”

“အဲဒါ ကျုပ်ရဲ့ ကျဆုံး ခန်း။ ဘ၀မှာ အိပ်မက်ထဲ တောင်ထည့် မမက်ခဲ့ ဖူးတဲ့ အုတ်နံရံ တွေနောက်ကို ကျုပ် ရောက်သွားတယ်။ အထဲမှာ နီဂရိုး တွေနဲ့ အတူ နေရ တယ်။ လူသစ် ဖြစ်ရတာ ထောင်ထဲ မှာတောင် မကောင်းဘူး ကိုယ့်လူရေ။ ထစ်ခနဲ ဆို ခွပ် ခနဲပဲ။ ကျုပ် အလုပ်ခံ ရတာ ပြောပါတယ်။ ရေချိုး ချိန်ဆို သူတို့ ရေချိုးဖို့ ရေဖြည့်ပေး။ စားသောက်ပြီး နားချိန်ဆို နင်းနှိပ် ပေးပေါ့။ သူတို့ဆီက ကျုပ်ရတာ ဆိုလို့ နှစ်ခုပဲရှိ တယ်။ ဆေးလိပ်သောက် တတ်လာတာရယ်၊ နောက် တစ်ခုက ကျုပ်ရဲ့ လက် မောင်းမှာ ဆေးရောင်စုံ ကျား ရုပ်တစ်ရုပ် ထိုပေး လိုက်တာ ရယ်ပဲ။ ဒီမှာကြည့်”

သူသည် ပြောပြောဆို ဆို သူ့အင်္ကျီ လက်မောင်းကို မတင်ရင်း ကျွန်တော့် အား ပြလေသည်။ မှန်ပါသည်။ ကျားတစ်ကောင် တစ်စုံ တစ်ခုကို ခုန်အုပ်တော့ မည့်ဟန်ဖြစ် သည်။ ဆေးရောင်စုံဖြင့် ခြယ်သ ထားသည်မှာ တကယ့် သက်ရှိ ကျားနှင့်ပင် တူလှသည်။

“ထောင်ထဲ ၀င်ရတာ အဲဒီကျားရုပ် နဲ့တင် တန်တယ် လို့ ကျုပ်ထင်တယ်။ အဲဒီ ကျားရုပ်က ကျုပ်ကိုယ် ကျုပ် ယုံကြည် မှုတွေ ပိုလာစေ တယ်။ ကြောက် စိတ်တွေ အားငယ်စိတ် တွေကို အဝေး ကို ထွက်ပြေး သွားစေတယ်”

“ကျုပ်ကို တိုက်တဲ့ ဆေးလိပ် ကလည်း မေးဦး။ ကျုပ်တို့ မြန်မာပြည် မှာဆို ဖက်လို မျိုးပေါ့။ ဘေဂျက်လို့ ခေါ်တယ်။ အရမ်းပြင်းတဲ့ ဆေးပေါ့။ ထိုင်းဘတ်နဲ့ဆို ဆယ့်ငါးဘတ် လောက်ပေးရ တယ်။ တစ်ယောက်ထဲ ဆို တစ်လ ခွဲလောက် အေးအေးဆေး ဆေးပဲ။ မီးညှိပြီးတော့ အသာ လေးဖွာရတယ်။မသောက် တတ်ရင် ချောင်းဆိုးပြီး သီး တတ်တယ်။ စသောက် ခါစ ကတော့ ဘယ်လိုမှ မခံစား နိုင်တဲ့ အရသာ မျိုး။ တဖြည်း ဖြည်း သောက်တတ် လာရင် တော့ ဟင်း ဟင်း ဘာနဲ့မှ မလဲချင် တော့ဘူး”

“ထောင်ထဲမှာ ကိုယ်ပိုင် နံပါတ်နဲ့နေရတယ်။ ကျုပ်ရဲ့ ကိုယ်ပိုင် နံပါတ်က ၃၃၆၆ တဲ့။ ပြီးတော့ ကျုပ်ကို ထိုင်း အစိုးရ ဆီပို့တယ်။ ထိုင်းအစိုး ရကတစ်ဆင့် လူမိုက်ပွဲစား ကြီး တစ်ယောက် လက်ထဲ ရောက်သွားတယ်။ အဲဒီ လူမိုက် ပွဲစားကြီး မှာ လက်နက် တွေအများကြီးနဲ့ တပည့် တပန်းတွေရှိတယ်။ လူမိုက် ကြီးက အမြဲတမ်း သူ့ခါးမှာ ပစ္စတို နှစ်လက် ထိုးထားတယ်”
“ကျုပ်တို့ကို လိုချင်တဲ့ လူရှိရင် ရောင်းတယ်။ ပြန်ရွေး မယ့်အပေါင်း အသင်း ရှိရင် တော့ တစ်ယောက် ကိုထိုင်း ဘတ်ကိုးထောင် လောက်နဲ့ ရွေးလို့ရ တယ်။ ဘယ်သူမှ လာမရွေး ရင်တော့ အင်ဒို နီးရှားတို့၊ ဗီယက်နမ် တို့ဘက် သွားတဲ့ ခိုးကုတ် လှေတွေဆီ ရောင်းပစ် လိုက်တာပဲ။ အဲဒီ လှေတွေက ငါးခိုးတဲ့ လှေ တွေ။ ပါသွားလို့ ကတော့ ကံ ကောင်းမှ ကမ်းပေါ်ပြန် ရောက်မှာ။ ကံမကောင်းရင် ငါးစာ ပေါ့”

“လူမိုက်ကြီး နေတဲ့ နေရာက တောကြီး မျက်မည်း ထဲမှာ။ တစ်ခါ တလေ ထမင်း ငတ်တယ်။ ထမင်းကျွေး ပြန် ရင်လည်း ဟင်းမပါဘူး။ အဲဒီစခန်း ထဲမှာ မြန်မာသုံး ဆယ်လောက်ရှိတယ်။ တစ် နေ့တော့ အားလုံး ရေချိုးနေကြ ရင်းနဲ့ ဘေးက သေနတ်တွေ နဲ့စောင့်နေတဲ့ ကြားက အလစ် စောင့်ပြီး အားလုံး ထွက်ပြေး ကြတယ်။ ပစ်လိုက်တာမှ တဒိုင်းဒိုင်းနဲ့။ ကျုပ်နဲ့ယှဉ်ပြေး နေတဲ့ တစ်ယောက်ဆို အားဆို ပြီးလဲကျ ကျန်နေ ခဲ့တာ ပြန် မကြည့်နိုင် တော့ဘူး”

“ပြေးရင်းပြေးရင်းနဲ့ ရာဘာ ခြံတစ်ခြံ ထဲရောက်သွား တော့ ထိုင်းတစ် ယောက်နဲ့ တွေ့တယ်။ ရာဘာခြံ ပိုင်ရှင် ပေါ့။ သူလည်း သေနတ်ရှိတာ ပဲ။ သူလည်း အလုပ်သမား လိုနေတဲ့ အချိန် ဆိုတော့ ကျုပ် ကို ခေါ်တာပေါ့။ သူ့ဆီမှာ ကြာကြာ မနေပါဘူး။ အလုပ် လုပ်ရင် ထိုင်းဘတ်လေး သုံး ရာလောက်ရတော့ ဒီမလေး ကို ပြန်တက် လာတာပါပဲ။  လမ်းမှာ အလုပ်ဝင် လုပ်လိုက်  တက်လာ လိုက်နဲ့ ကွာလာ လမ်ပူကို ရောက်ဖို့ သုံးလ လောက် ကြာတယ်။ ကွာလာလမ်ပူ ဆို တာကို ကြားသာ ကြားဖူးတာ မရောက် ဖူးဘူး။ တကယ့် တကယ်ရောက်တော့ ကျုပ်ဘ၀ ပြောင်းလဲ သွားတယ်”

မူလ ကျွန်တော်နှင့်ဆုံ ခဲ့စဉ်က အေးတိ အေးစက်နိုင် လှသော သူ့မျက်လုံး တို့သည် အရောင်လက် လာသည်ဟု ထင်ရသည်။ သူ့စကားသံတို့ သည်လည်း ပို၍တက်ကြွ လာသည်ဟု ထင်မိသည်။ သူ့ကိုယ်သူ ပိုပြီးတော့ ယုံကြည်မှု ခိုင်မာ လာခြင်းလည်း ဖြစ်နိုင်ပါသည်။

“အခု ဘ၀ကို အဲဒီမှာ စတာပဲ” သူက မတ်တပ်ရပ် နေရာမှ လက်နှစ်ဖက်နှင့် ပေါင်ကို ပုတ်ပြီးနောက်-
“အဲဒီမှာမှ မုဆိုးဖြစ်လာ တာပဲ။ ဘ၀က တစ်ချိန်လုံး  သားကောင် ဖြစ်ခဲ့ရတော့ မုဆိုး ဖြစ်လာတော့လည်း မုဆိုး ပီသချင် လာတယ်။ မုဆိုး ဆိုလို့ တလွဲ မထင်လိုက် နဲ့ဦး။ တောကြီး မြိုင်မဟာထဲ အကောင် ဗလောင်တွေ ပစ်တဲ့ မုဆိုး မဟုတ်ဘူး။ ကျုပ်က လူမုဆိုး”
“ဟင်း...ဟင်း... ဟုတ်တယ် ကျုပ်က လူ မုဆိုး။ လူလူချင်း သား ကောင်လုပ်တမ်း ကစား ရတာ တယ်အရသာ ရှိတယ် ကိုယ့် လူ။ ဒါပေမဲ့ ကိုယ်က မုဆိုး ဖြစ်ဖို့တော့ လိုတာပေါ့။ ဟုတ် ဘူးလား။ ဟဲ...ဟဲ...”
“ကျုပ်ကိုကြည့် မြင် တာနဲ့ ပန်းတွေ ကြွေသွားမယ်။ ဟိုမှာ ကျုပ်စီးတဲ့ ကား”သူ့ လက်ညှိုး ညွှန်ရာကို ကျွန်တော် ကြည့်လိုက်တော့ ပုလဲရောင်လက် နေသည့် ကားလေးတစ်စီး။ သခင့် အလိုကျ အသင့် ဆိုသည့် သဘောမျိုးနှင့်။
“ကျုပ်ကို အဲသလိုကား မျိုးနဲ့  ဒီနိုင်ငံမှာ တွေ့ရတော့ တချို့က အံ့သြကြ တယ်။  မအံ့သြပါနဲ့။ အံ့သြတဲ့ လူတွေ မှာ ကျုပ်လို ဇမရှိ လို့ပဲလို့ ကျုပ် ထင်တယ်”

“ကိုယ့်လူက လေ့လာ ရေးသက်သက် လာတဲ့ စာရေး ဆရာဆိုလို့ ကျုပ်က ပြောပြတာနော်။ ဟင် အခုလို ကြီးပွား လာတဲ့ အကြောင်း လား။ ဟား...ဟား... ဟုတ်သားပဲ၊ မေ့နေတာ။ ခုန ပြောတဲ့ မုဆိုးလေဗျာ။ ဒီက တရုတ် သူဌေးတွေနဲ့ အဆက် အသွယ်လုပ်ပြီး ဒီကို လာချင် ရင် ခေါ်ပေးတယ်။ ဒီက ခေါ်ချင် ရင်လည်း လာအောင် လုပ်ပေးတယ်။ ကြားထဲက ဟဲ...ဟဲ...ဒါလေး တော့ မြိုးမြိုး မြက်မြက် လေး ရတာ ပေါ့ဗျာ”

သူက ကျွန်တော့်ကို လက်မနှင့် လက်ညှိုး ထိပ်ချင်း ထိ၍ ၀ိုင်းပြလိုက် သေးသည်။
“မယူပါဘူး၊ မယူပါ ဘူး။ မိန်းမ ဘာလုပ် မှာလဲ ဗျာ။ အဓိက,က ငွေပဲလေ။ ငွေရှိရင် ဟော...ဟော... ပြောရင်း ဆိုရင်း ဖုန်းလာနေ  ပြန်ပြီ။ ဟဲလို ရက်စ်၊ ဘော့စ် အိုကေ၊ အိုကေ ဘော့စ်။ ကဲ သွားလိုက် ဦးမယ်ဗျာ ကွာလာလမ်ပူ လေဆိပ်မှာ မြန်မာပြည်က လာတဲ့ အသစ် ကလေးတွေ ရောက်လို့တဲ့။ အခု သွားခေါ် ရမယ်”
“ကိုယ့်လူ လိုက်ချင် လိုက်ခဲ့ပါလား။ ကုန်ကြမ်း ထပ်ရတာပေါ့။ အိုကေ မလိုက်ချင် နေပါဗျာ။ ကျုပ် က အသစ်လေး တွေပါလို့ ပြောတာ။ သွားမယ်နော် တာ့...တာ”

လူခါး
(ရွှေအမြုတေ မဂ္ဂဇင်း ဒီဇင်ဘာလ ၂၀၁၂)

No comments: