အိမ်ပြန်ချိန်ဝတ္ထု

•                                                                                           
  
                                                                         (၁)
                မိန်းမ ဟုသူ့ စိတ်ထဲမှတိတ်တဆိတ်ရေရွတ်ခဲ့ရသည့်အခါတိုင်း ကျောင်းသင်ခန်းစာထဲမှ ရေသည်
  မိန်းမကို  သူ သတိရသည် ။
                မြောက်မြို့ ရိုးကြားတွင် ဝှက်ထားသော  ငွေလေးရွေးအား     ကျဲကျဲတောက်ပူသည့် လေပူ၊ နေပူ၊
  ဖုန်ထူထူထဲတွင် ဝမ်းသာအားရ ပြေးလွှားရယူခဲ့သည့် ရေသည်ယောက်ကျားအားလည်းသတိရသည် ။
                ထိုရေသည်ပြဇာတ်ထဲတွင် ကံကောင်းထောက်မစွာဖြင့် အိမ်ရှေ့ အရာ အပ်နှင်းခြင်းခံရသော ရေ
  သည်ယောက်ကျားက ချစ်လှစွာသောရေသည်မိန်းမအား စီးတော်ယာဉ်နှင့် မူးကြီးမတ်လျာတို့ ကိုစေလွှတ်၍
  မည်သူက ခေါ်စေသည်ဟု မဆိုစေဘဲ အိမ်ရှေ့ အာဏာသက်သက်ဖြင့် ခေါ်ယူစေခဲ့၏ ။
                “ အစပ်ကတစ်ရာ အဖာကဗရဗျစ် မှောင်ကျအောင် ညစ်ပါတဲ့ ပုဆစ်အိမ်ကို ”ဟု တင်စားခေါ်ဝေါ်ရ
  လောက်အောင်  ဆင်းရဲမွဲတေလှသောရေသည်မိန်းမသည် အိမ်ရှေ့စံဟူသည့်  အသံနှင့်အတူ   မင်းခမ်းမင်း
  နား မူးကြီးမတ်လျာတို့ ကို မြင်သည်နှင့် စိတ်အစဉ်တွင် ကျေနပ်ပျော်ရွှင်လျှက် ရှိပေလိမ့်မည် ။
               နန်းတော်သို့ ရောက်၍ မိမိအားခေါ်စေခိုင်းသူမှာ မြောက်မြို့ ရိုးကြားတွင် ဝှက်ထားသော ငွေလေး
  ရွေးအားသွားယူမည်ဆိုသော ရေသည်ယောက်ကျားပင်ဖြစ်သည်ကိုမျက်ဝါးထင်ထင်တွေ့ မြင်လိုက်ရပါလျှင်မူ
  အတိုင်းအဆမရှိ ကျေနပ်ပျော်ရွှင်ခြင်းကို မုချမသွေ ခံစားရပေလိမ့်မည်။
                ဟုတ်ပြီ ။ ဤ နေရာအထိ သူလက်ခံသည် ။  အကယ်၍ အိမ်ရှေ့စံသည် ရေသည်ယောက်ကျားမ
  ဟုတ်ဘဲ တခြားသူ တစ်ယောက်ဖြစ်နေခဲ့ပါလျှင်ရော ။ ရေသည်မိန်းမတစ်ယောက် မည်သို့ တုန့် ပြန်မည်ကို
  သူ သိလိုလှပါသည် ။ဖြစ်နိုင်ချေ အရှိဆုံးကို တွေးဆရမည် ဆိုလျှင် ထမင်းတစ်နပ်မျှပင် နပ်မှန်အောင်မစား
  နိုင်သောရေသည်မိန်းမသည် အနည်းငယ် အံ့သြမှုဖြစ်ရုံမှတပါး အခြားစဉ်းစားနေလိမ့်မည်မဟုတ်ပါ ။
  
                                                                       (၂)
  
                 ရန်ကုန်အပြည်ပြည်ဆိုင်ရာလေဆိပ်သို့  လေယာဉ်ရပ်နားသည်နှင့် သူလည်း အများနည်းတူ “ JOB ”
  ဆိုသည့် ပြည်ပအလုပ်သမား များအတွက် သတ်မှတ်ထားသည့် လျှောက်လမ်းထဲမှ တက္ကစီကားတို့ ရှိရာသို့  လျှောက်
  လာခဲ့သည် ။
              ကြိုတင်၍ ဖုန်းဆက်ထားသော်လည်း သူ့ ကိုလာကြိုသည့်သူ တစ်ဦးတစ်ယောက်ကိုမှ မတွေ့ ဘဲ ဖြစ်
  နေသည် ။ နီးရာတက္ကစီဒရိုင်ဘာအား “ အင်းစိန်ရွာမ အရှေ့” ဟု လိုရာခရီးကို သူပြောပြလိုက်စဉ်
  မှာပင် သာယာနာပျော်ဖွယ်ကောင်းသောအသံတစ်ခုက မလှမ်းမကမ်းမှ ထွက်ပေါ်လာသည် ။
             “ ကိုယ်ရေ...ဒီမှာ ထားရောက်ပြီ ”
             အသံနှင့်အတူ အငှားကားတစ်စီး သူ့ အနားထိုးရပ်လာသည် ။ကားပေါ်မှ ဆင်းလာသော အမျိုးသမီး
  ကို မြင်သည်နှင့် သူ၏ စိတ်မှ “ မိန်းမ” ဟု တိတ်တဆိတ် ရေရွတ်မိလိုက်၏ ။ မှန်ပါသည်။ သူ၏ မိန်းမ ထား
  ဖြစ်ပါသည် ။
              သူမသည် တိုင်းတစ်ပါး၌ ဒုက္ဒအမျိုးမျိုးကြားထဲမှ ပို့ ထားခဲ့သည့် သူ့ ချွေးနဲစာတို့ ဖြင့်   တင့်တယ်ချင်
  တိုင်းတင့်တယ်၍ နေလေသည် ။ သုံးနှစ်ဆိုသည့် သူတို့ နှစ်ယောက်ဝေးနေခဲ့သည့်အချိန်က သူမ၏အလှ
  တို့ အား ညှိုးမှိန်သွားစေခြင်းငှါ  မစွမ်းနိုင်တော့ဘူးလား ဟု သူတွေးမိသည် ။ ဒါမှမဟုတ် သူ၏ အိမ်အပြန်ခရီး
  အား နှစ်နှစ်လိုလိုရှိသည်ဟု မြင်သာထင်သာအောင် ပြင်ဆင်ချယ်သ လာခြင်းပေလား  ဟု သူ မရုန့် မလွန်တွေးဖြစ်
  လိုက်သေးသည် ။
              သူက မူလ စကားစထားသော တက္ကစီပေါ်သို့ ရှေ့ ခန်းမှ တက်ထိုင်လိုက်သည် ။
              “ သြော်..ကိုယ်က ကားငှါးသွားပြီလား၊ ဒါဆို ဦးလေး ပြန်လိုက်တော့နော်”
              သူမက သူမစီးလာခဲ့သော ကားသမားအား  ပိုက်ဆံတချို့ထုတ်ပေးနေသေးသည် ။ထို့ နောက် ကား
  နောက်ခန်းထဲသို့ သူမ ဝင်ထိုင်လိုက်သည်နှင့် ကားကလေးက လေယာဉ်ကွင်းထဲမှ အရှိန်ပြင်းသည့် မြားတစ်
  စင်းပမာ ပြေးထွက်လာခဲ့တော့သည် ။
  
                                                                       (၃)
  
            “HIV positive”
  
         သွေးအဖြေစာရွက်မှ HIV  positive ဆိုသည့် စာတန်းအားဖတ်ရင်း သူ့ နှုတ်ခမ်းအစုံတို့ က အထက်သို့ မ
  သိမသာ ကွေးတက်သွားကြ၏ ။
         “ ရော့ ဖတ်ကြည့် ၊ မင်း ငါ့ကို မပေါင်းချင်တော့ရင် အခုတစ်ခါထဲ တရားရုံးသွားပြီးကွာရှင်းမယ် ”
          ပထမဆုံး သူ သတိထားလိုက်မိသည်က ပြူးကျယ်သွားသော သူမ ၏ မျက်ဝန်းများ ။ထို့ နောက် တစ်
  ပေါက်ချင်းလိမ့်ဆင်းလာသည့် မျက်ရည်စက်များ ။
        “ ဘယ်လိုပြောလိုက်တာလဲ ကိုရယ် ၊ ထား..ထား....ကိုယ် ဘယ်ဘဝရောက်ရောက် ထားက ကိုယ့်ရဲ့ဇနီးပါ”
         “ဟင်း..ဟင်း”
        သူ တစ်ချက်မချိပြုံး ပြုံး လိုက်မိသည် ။ ဒီလို အချိုးမျိုးနှင့် သူ့ ကို ပြုစားလုိ့ ရမတဲ့လား။ ကျစမ်း..မင်းမျက်
  ရည်တွေ ကျစမ်း မိထား ။ ငါ့မိဘနှစ်ပါးရဲ့ပေးစရာ အကြွေးတွေနဲ့ ငါ့ဘဝကို မင်းလက်ထဲ  စတေးပစ်ခဲ့ရတာ
  လေ ။ ခု ငါ့ကိုပိုင်ဆိုင်ရတဲ့အတွက် မင်းဘယ်လောက်နာကျင်ရမယ်ဆိုတာ ဒါပထမဆုံးသင်ခန်းစာပဲ ။
       သူ့ ရင်ထဲမှ ပြောချင်သောအကြောင်းအရာတုိ့ ကစကားလုံးတို့ အဖြစ်နှုတ်ခမ်းဖျားသို့ ရောက်မလာကြ
  တော့။ မြန်မာပြည်သို့ ပြန်လာခါနီး သူ့ သူငယ်ချင်း  ဒေါက်တာဝေလင်းဦးဆီသို့   ဖုန်းဆက်ခဲ့သည့်နေ့ ရက်ကို
  
  ပြန်သတိရမိသည် ။ထိုနေ့ က တိုက်ဆိုင်စွာပင် သူနှင့် ဝေလင်းဦးနှင့်  ပက်ပင်း တွေ့ ဖြစ်ကြသည် ။
          “ ဟယ်လို ဒေါက်တာဝေလင်းပြောနေပါတယ် ခင်ဗျာ”
          “ ဟာ ဟေ့ကောင်ကြီး ၊ ငါရဲမင်းသိန်းပါကွ ။ ငါတစ်ပါတ်အတွင်း ပြန်လာခဲ့မယ် ။ အဲဒါ မင်းကို ကြိုပြီးအ
  ကြောင်းကြားထားတာ ”
         “ ဟကောင် ငရဲ ..ဝမ်းသာတယ်ကွာ၊ လာကြိုရမလားပြော”
          “နေပါစေကွာ ၊ မိထားလာကြိုလိမ့်မယ် ။ မင်းကို အကူအညီတစ်ခုတောင်းစရာရှိလို့ ”
           “ ဟေ..ဘာများလဲကွ ။ မင်းဟာက ပြန်တောင်မရောက်သေးဘူး”
          “ ငါ  ရန်ကုန်ရောက်ရောက်ချင်း မိထားကိုခေါ်ပြီးမင်းဆီလာခဲ့မယ် ။ ငါသွေးစစ်မလို့  ။ မင်းက ငါ့သွေး
  ထဲမှာ ဘာမှ မတွေ့ တွေ့  HIV positive လို့ အဖြေပေးရမယ်”
          “ ဖွ..မပြောကောင်းမဆိုကောင်း ငရဲရာ ၊ မင်းဟာက ထားစိတ်ဆင်းရဲရမယ့် ကိစ္စကြီးကွ”
          “ မင်း မသိပါဘူးကွာ ၊မိထားကိုပညာပြချင်လို့ ကွ။မင်းသာငါပြောတဲ့အတိုင်းလုပ်။ လေယာဉ်တက်ခါနီးမှ
   တစ်ခါထပ်ဆက်မယ် ဒါပဲ”
  
                                                                         (၄)
  
             အတိတ်ကို အတိတ်၌သာထားခဲ့ချင်သော်လည်း အတိတ်သည် သူနှင့် အတူ အရိပ်တစ်ခုပမာ မကွဲ
  မကွာ လိုက်ပါလာခဲ့သည် ။ တစ်နေ့ တွင် ဖေဖေက သူလုံးဝထင်မှတ်မထားသော စကားတစ်ခွန်းအား လေး
  လေးနက်နက်ပြောလာခဲ့သည် ။
             “ သား ကိုရဲ ..သားကို ဖေဖေတို့ မိသားစုရဲ့ စီးပွားရေး အနေအထားနဲ့ ဆရာဝန်တစ်ယောက်ဖြစ်လာ
  အောင် ဘယ်လိုထားခဲ့သလဲဆိုတာပြောပြမယ် ”
             ဖေဖေ့စကားကိုကြားစ၌ သူ့ စိတ်တွင် ထင့်ခနဲ ဖြစ်မိသည် ။ ဖေဖေ့ရဲ့ကားဝပ်ရှော့ လုပ်ငန်းနှင့်ပင်
  သူ ဆရာဝန်တစ်ယောက်ဖြစ်လာရတော့မှာ မဟုတ်ဘူးတဲ့လား ။ နောက်တစ်နှစ်ဆို သူဆရာဝန်ဖြစ်ပြီလေ။
  ဖေဖေတို့ မေမေတို့ ကို သူတတ်သည့်ဆရာဝန်ပညာနှင့် တစ်လှည့်လုပ်ကျွေးပြုစုမည်ဟု သူတွေးထားခဲ့၏ ။
  ယခုတော့ ဖေဖေက သူလုံးဝထင်မှတ်မထားသော စကားဖြင့်နိဒါန်းပျိုးနေလေပြီ ။
             “ ဖေဖေ တို့ လုပ်ငန်းနဲ့ သားဆရာဝန်ဖြစ်ဖို့ ဆိုတာမလွယ်ဘူးသား ။ ဒါကြောင့်  အရည်အချင်းလေး
  လည်းရှိ၊ ကြိုးစားချင်စိတ်လေးလည်း ရှိတဲ့သားကို ဖေဖေ့မိတ်ဆွေ ဒေါက်တာဇော်လင်းထွန်း တို့ မိသားစု က
  ပဲ ဆေးတက္ကသိုလ်ဆက်တက်ဖို့ တာဝန်ယူပေးခဲ့တာ ။ နောင်နှစ်ဆို သားလည်းဆရာဝန် ဖြစ်ပြီ ။ ဒီတော့
  ဒေါက်တာဇော်လင်းထွန်းက အမိမဲ့နေတဲ့ သူ့ သမီးလေး ထားကုိ သူ မျက်စေ့မမှိတ်ခင်မှာ သားနဲ့ နေရာ ချ
  ပေးခဲ့ချင်တယ်တဲ့ ။ ဖေဖေတို့ ကတော့ ခေါင်းညိတ်ခဲ့ပြီ”
             ဖေဖေ ကိုယ်တိုင်က ပြောနေသည့်စကားတို့ မှ ဟုတ်ပါလေစ ဟု သူ့ နားကိုပင် သူ မယုံချင်သလို
  ဖြစ်မိသည် ။ ဖေဖေတို့ ကတော့ ခေါင်းညိတ်ခဲ့ပြီတဲ့ ။ ကျေးဇူးရှင်မိဘ နှစ်ပါးကမှ ခေါင်းညိတ်ခဲ့လျှင် သူသည်
  လည်း ခေါင်းညိတ်ရုံသာ ရှိတော့သည်ပေါ့။
             သို့ သော် ထို နေ့ မှ စ၍ သူ ဆေးတက္ကသိုလ် ဆက်မတက်ဖြစ်တော့ ။ သူတစ်ကြိမ်တစ်ခါမှ မမြင်ဖူးခဲ့
  သည့်မိန်းမတစ်ယောက် ရှေ့သို့ ဒူးထောက်ခစားပါမှ တိုးတက်ရမည့် သူ့ ဘဝကို သူကိုယ်တိုင် အညွှန့် ချိုး
  ပစ်လိုက်၏။
              သူနှင့် ထားဆိုသော အမျိုးသမီးတို့ ၏ မင်္ဂလာပွဲသည် သူ့ အတွက်တော့ အနာဂတ်တစ်ခုလုံး မီး
  လောင်တိုက်သွင်းသည့်ပွဲဖြစ်ခဲ့သည်။ ထားသည် ယောက်ကျားတစ်ယောက် စွဲမက်လောက်သည့် အိနြေ္ဒ
  သိက္ခာနှင့်အလှတရားတို့  ပြည့်စုံသူ တစ်ယောက်ဖြစ်ပါသည် ။ သို့ သော် သူသည် နှစ်ဖက်မိဘ တို့  ခေါင်းချ
  ပြီးသည်နှင့် ထားနှင့်ဝေးရာသို့  ရွက်လွှင့်ခဲ့တော့သည် ။
  
                                                                     (၅)
           “ဖျန်း..”
           သူ့ ခန္ဒာကိုယ်တစ်ခုလုံးရှိအားတို့ က လက်ဖဝါးမှ တဆင့် ထား၏ပါးပြင်ပေါ်သို့ အရှိန်ပြင်းစွာကျ
  ရောက်သွားတော့သည် ။ သူမက နီရဲသွားသော ပါးပြင်အားလက်ဖြင့် ပွတ်လျက်မော့ကြည့်လာသည် ။သူမ
  ပိုင်ဆိုင်သမျှ အရာအားလုံးတို့ တွင် သူ အမုန်းဆုံးသည် သူမ၏ မျက်ရည်တို့ ဖြစ်သည် ။
           သူက လက်ထဲမှ ဆေးထုပ်ဖြင့် ထားအားပစ်ပေါက်လိုက်သည် ။
           “ ဒါက ဘာလဲ မိရွှေထား ၊ ငါက ကလေးလိုချင်ပါတယ်ဆိုမှ မင်းက ငါ့ကို အရွဲ့တိုက်ပြီး ဒီဆေးတွေကို
  ငါမသိအောင် စားနေတယ်ပေါ့ ။ ဘာလဲ ငါ့လိုရောဂါသည်တစ်ယောက်နဲ့ ရတဲ့ကလေး    မင်းက မလိုချင်ဘူး
  ပေါ့ ဟုတ်လား”
            “မဟုတ်..မဟုတ်ရပါဘူး..ကိုရယ် ”
            “ ဘာမဟုတ်ရမှာလဲကွ ၊ မင်းရဲ့ စိတ်ကို စမ်းချင်လို့  ငါ့မှာ HIV ရှိတယ်လို့ ဝေလင်းနဲ့ တိုင်ပင်ပြီး မင်း
  ကို ညာထားတာ ။ မင်းက ခုတော့..”
            “ မဟုတ်ဘူး.........”
            သူမထံမှ ဤမျှလောက်ကျယ်လောင်သော  အသံအား တစ်ကြိမ်တစ်ခါမှ သူမကြားဖူးခဲ့ပါ။ အခုတော့
  သူမက သူ့ အား သွက်သွက်ခါအောင်ပင်  ပြန်၍ အော်နေတတ်လေပြီ ။
            “ မဟုတ်ရင် ဘာသဘာလဲ ။ ဘာသဘောလဲ ..ကဲ..မင်းပြော ”
  
             သူ ရှိသမျှ အားတို့ နှင့် သူမ၏ ပုခုံး နှစ်ဖက်အား ဆွဲခါပစ်လိုက်သည် ။
             “ ထား...ကလေးယူလို့ မရဘူး..။ ထားမှာ HIV ရှိတယ်”
             “ ဘာ..”
             နားနှစ်ဖက်ကို လက်နှင့်အုပ်မိရင်း ယိုင်လဲကျလုမတတ်ဖြစ်သွားသော ခန္ဒာကိုယ်အား သူ အချိန်မီထိန်း
  ထားလိုက်ရသည် ။ထို့ နောက် သူမနှင့် နီးနိုင်သမျှ နီးအောင် သူ တိုးကပ်သွားလိုက်မိသည် ။
            “ ဘာပြောတယ်..၊ မင်းမှာ...မင်းမှာ HIV ရှိတယ် ။ ဟုတ်လား  မိထား”
            “ ဟုတ်တယ်.။ ထားမှာ HIV ရှိတယ် ။ ဒါကြောင့် ဒီဆေးတွေ ..သောက်..သောက်...”
            “ ကဲကွာ..ကဲကွာ.”
  
             “ဖျန်း....ဖျန်း”
             ရှိသမျှအားတို့ ဖြင့်   ဘယ်ဘက်ပါးရော ညာဘက်ပါး ပါ သူ ရိုက်ထည့်ပစ်လိုက်သည် ။ဖြစ်နိုင်လျှင်သူ
  မကို သူ သတ်ပစ်လိုက်ချင်သည် ။
             “ မင်းက အဲဒါကို ငါပြန်ရောက်စက ဘာလုိ့ မပြောတာလဲ ။ ငါ လိမ်ထားတာကို သိလို့ ပေါ့ ဟုတ်လား”
             “ မသိရပါဘူး ကိုရယ်..။ ထား....ထား....ကို့ ကိုယ် ချစ်လို့ ပါ..။ ကိုယ် နဲ့ ထား မခွဲနိုင်လို့ ပါ ”
             “ ဘာ..၊ မင်းက ငါ့ကို ချစ်လို့  ။ မင်းအဖေရဲ့ကျေးဇူးတရားတွေနဲ့ ငါ့ကို သိမ်းပိုက်ထားပြီးတော့ ဘာအ
  ခု မှ ငါ့ကို ချစ်လို့ ။ ဟား...ဟား...သေလမ်းသွားမှ ငါ့ကို ချစ်လို့ ပေါ့.. ဟုတ်လား ”
             သူ့ ဒေါသတို့ က ထိုမျှ နှင့်ရပ်မသွား ။ သူမ၏ လည်တိုင်အား သူ့ လက်အစုံတို့ ဖြင့်  တင်းကျပ်စွာဖြစ်
  ညှစ်ပစ်လိုက်သည် ။
              “ သေစမ်း..မိထား...၊ ငါ့ကို ယုတ်မာတဲ့ မိန်းမ”
              “ ဟေ့ကောင် ကိုရဲ ..မလုပ်နဲ့ ..၊ မင်းမှားမယ် ။ ဟေ့ကောင်ပြောလို့ မရဘူးလား...၊ ကဲကွာ. ကဲကွာ”
               အိမ်ထဲသို့ ပြေးဝင်လာသော ဒေါက်တာဝေလင်းဦး၏ အားပါလှသော လက်သီးများက သူ့ မျက်နှာ
  ဆီသို့  တရစပ်ပြေးဝင်လာကြသည် ။သူ့ ကိုယ်ခန္ဒာက   ပြေလျော့သွားသော ဖွဲအိတ်တစ်အိတ်ကဲ့သုိ့  ရိတွဲကျ
  သွား၏။
             “ မင်းကမှ လူယုတ်မာကွ ။ မင်းပြန်လာပြီးသွေးစစ်တော့ မင်းကသာ ညာတယ်လို့ ပြောတာ ၊ မင်းမှာ
  HIV က တကယ်ရှိတယ်ကွ ”
             “ဘာ..”
              သူ့ ခေါင်းက ဝန်အပြည့်တင်ထားသော ကုန်တင်ကားကြီးနှင့်  အကျိတ်ခံလိုက်ရသလို ပရမ်းပတာ
  ဖြစ်သွားသည် ။
              “ ငါ့ကို နားလည်အောင်ပြောပါ..၊ ငါ့မှာ ..ငါ့မှာ..”
             “ ဟုတ်တယ်..။ မင်းပြန်လာကတည်းက မင်းက HIV positive ။ မင်းက လိမ်ညာခိုင်းတာရော ..မင်းမှာ
  တကယ်ရှိနေတာပါ ထားကို ပြောပြပြီး မင်းကို အားပေးကုသဖို့  ငါကြိုးစားခဲ့ပါသေးတယ်ကွာ ။ ဒါကို မင်းက
  ခရီးရောက်ခါစ ။ မင်းကို အတင်းအဓမ္မယူထားတယ်လို့ သူ့ ကိုစွပ်စွဲထားလေတော့ ၊ ငါသူ့ ကို ဘယ်လိုမှ ပြော
  ပြလို့ မရဘူးကွာ ။ သူတစ်ယောက်ထဲ ငါ့ဆီလာပြီးသွေးစစ်တော့ သူ့ မှာ လည်း ကူးစက်ခံနေရပြီ ဆိုတာကို
  သိရက်နဲ့ ပျော်နေတယ်..ငရဲရာ..။ သူ ပျော်နေတယ် ။ ငါလည်း နင့်ကို ဒီလောက်တောင် ပစ်ပစ်ခါခါဖြစ်လှတဲ့
  ကောင် ဘာလို့ အသက်ပါပေးပြီးချစ်ရတာလဲလို့ မေးတော့ ဘာပြောလဲသိလား ငရဲ ။ မင်းကို ချစ်လို့ တဲ့ ။ မင်း
  ကို ဆယ်တန်းကျောင်းသားကတည်းက သူက ချစ်နေတာတဲ့ ။ မိန်းကလေး အိနြေ္ဒ သိက္ခာကို မငဲ့ သူ့ အဖေ
  ကို အတင်းပူဆာပြီး မင်းကိုရအောင်ကြိုးစားခဲ့တာတဲ့”
            သူ နားနှစ်ဖက်ကို ကယောင်ကတန်း ပိတ်ထားလိုက်မိသည် ။ ဒါဆို သူမှား သွားပြီပေါ့ ။ ထား..။ ထား ဘယ်
  မှာလဲ ။ သူ ထားကို အရေးတကြီး လိုက်ရှာမိလိုက်သည်။
             “ထား..၊ထား  မရှိတော့ဘူး ။ သူငယ်ချင်း ထားဘယ်ရောက်သွားပြီလဲ...ထား........ထား..”
  
                                                                       (၆)
           “လေယာဉ်ပေါ်တွင်စီးနင်းလိုက်ပါလာကြသည့် ခရီးသည်များရှင်... မကြာမှီ အချိန်အတွင်း ရန်ကုန်အ
  ပြည်ပြည်ဆိုင်ရာလေဆိပ်သို့  လေယာဉ်ဆင်းသက်တော့မည် ဖြစ်ပါသဖြင့်ထိုင်ခုံခါးပါတ်များပတ်ထားကြပါရန်
  လေးစားစွာ မေတ္တာရပ်ခံအပ်ပါသည်..ရှင်..”
           စပီကာမှ ထွက်လာသည့် လေယာဉ်မယ်ကလေး၏ ချိုမြမြအသံကြောင့် အိပ်ပျော်သွားခဲ့ရာမှ သူနိုးလာ
  ခဲ့ရတော့သည် ။ ချွေးစေးတို့ ဖြင့် ရွှဲနစ်နေသော သူ့ အား ဘေးချင်းကပ်ထိုင်လျှက်ရှိသည့် သူငယ်ချင်းမှ နားမ
  လည်နိုင်စွာဖြင့်
          “ မင်းဘာဖြစ်နေတာလဲ..ကိုရဲ ” ဟု မေးသေးသည် ။
           သူ မဖြေမိတော့ပါ ။ သူ စဉ်းစားနေမိသည်က သူ ပြန်အလာကို စောင့်ကြိုနေမည့် ချစ်ဇနီး ထားအား
  သူ့ အပေါ် ယုံကြည်စိတ်ချနိုင်စေရန်  သူ့  သူငယ်ချင်း ဒေါက်တာ ဝေလင်းဦး၏ ဓါတ်ခွဲစမ်းသပ်ခန်းသို့  ခေါ်
  ၍ ရဲရဲကြီး သွေးစစ်ပြရန်သာ ဖြစ်ပါသည် ။
  
                                                                                                        လူခါး