Monday 16 July 2012

ခေတ်ကို ဖိနပ်လုပ်စီးကြသူများ


    ခင်ဗျား သိလား... ။ လူဆိုတာ မနေ့ကထက် ဒီကနေ့ပိုသာရမယ်။ ဒီကနေ့ထက် မနက်ဖြန် ပိုသာရမယ်  ဆိုတာလေဗျ။ကျုပ်ဘ၀လည်း အဲလိုပဲ။ အဲ... ဒါပေမယ့် ပေးတော့ ပေးဆပ်ရတာပေါ့။
    ကိုထွန်းကျော်ထက်က သူ့စကားကို ရပ်ပစ်လိုက်ပြီးအဖြူတစ်လိပ်အား ပါးစပ်ထဲ ဟန်ပါပါ ပစ်ထည့်လိုက်သည်။သူ၏လှုပ်ရှားမှုကရုပ်ရှင်ဇာတ်လမ်းတစ်ခုထဲမှမင်းသားတစ်ယောက်ကဲ့သို့စနစ်ကျ သေသပ်လှသည်။
    ခင်ဗျား ဇာတ်ရည်လည်အောင် ရှင်းပြရမယ်ဆိုရင် ကျုပ်ဒီကို ထွက်လာခဲ့တာ  ဟိုးတစ်ချိန်ကဆိုတဲ့ မေ့ထားတဲ့ အစကို ပြန်ဆွဲထုတ်ပြရမှာပဲ။ ဒီလိုဗျ။ ကျုပ်တို့အမျိုးထဲမှာ ဟိုနားဒီနား ၀င်ဆံ့တဲ့ အဖေ့ညီမတစ်ယောက် ရှိတယ်။ ဒေါ်လေးသီတဲ့။
 တစ်နေ့ဒေါ်လေးသီကျုပ်တို့အိမ်ကိုရောက်လာတယ်။ခရီးရောက်မဆိုက်သူ့ဘေးလွယ်အိတ်ထဲက ရောင်စုံကြော်ငြာစာရွက်တွေ ထုတ်ပြတယ်။ပြီးတော့ပြောလိုက်တဲ့စကားတွေကလည်းစုံလို့။ ဒေါ်လေးသီက ရေပက်မ၀င်အောင်ပြောလိုက်၊ အဖေနဲ့ အမေက ခေါင်းညိတ်လိုက်။ နောက်ဆုံး ဒေါ်လေးသီလည်း ပြန်သွားရော၊ အဖေက ကျုပ်ကို ခေါ်ပြောတယ်။ မင်း နိုင်ငံခြားသွားရမယ်တဲ့... ။
    နိုင်ငံခြားဆိုတာ ကျုပ်က ဗွီဒီယိုကားတွေထဲမှာသာ မြင်ဖူးတာ။ မင်းသားက အထက်အောက် ၀မ်းဆက်ကြီးဝတ်၊ မျက်မှန်
အနက်ကြီးတပ်လို့။ မင်းသမီးက မျက်ရည်လေး စမ်းစမ်း စမ်းစမ်းနဲ့လေဗျာ။ သိပ်ဝမ်းနည်းစရာကောင်းတဲ့ အခန်း၊ သိပ်ကြည့်ကောင်းတဲ့ အခန်းပေါ့။
    ကျုပ် နိုင်ငံခြားထွက်တဲ့ ဇာတ်ဝင်ခန်းကတော့ ဘယ်ကြည့်ကောင်းပါ့မလဲဗျာ။ တစ်ခါမှ မ၀တ်ဖူးတဲ့ အ၀တ်အစားတွေဝတ်ပြီး ငူတူတူကြီး။ ငူတူတူ မဖြစ်ခံနိုင်ရိုးလားဗျ။ ၀တ်ထားသမျှ၊ ပါလာသမျှ အားလုံးက အတိုးနဲ့ဆွဲခဲ့ရတာကိုး။ တစ်ရာ နှစ်ဆယ်တိုးတဲ့။
    အတိုးဆိုလို့ပြောရအုံးမယ်။ အဲဒီအတိုးက ဒေါ်လေးသီက ထုတ်ချေးတာ။ ထုတ်ပေးတဲ့ငွေအတွက် အတိုးပေးရတဲ့အပြကျုပ်ကို ရန်ကုန်က ပွဲစားနဲ့ချိတ်ပေးတဲ့အတွက် သပ်သပ် တစ်သိန်းပေးရသေးတယ်ဗျ။ အဲဒါကလည်းသူ့ပေးရမယ့်ငွေထဲပေါင်းမှတ်ထားလိုက်တာပါပဲ။အဲဒီတော့ကျုပ်မှာ နိုင်ငံခြားကို ငွေရှာဖို့သာထွက်လာရတာ။ ငွေတိုး ဆိုတာကြီးက ခေါင်းပေါ်မှာ မီးဖိုကြီး တစ်ဖိုလို ပါလာခဲ့ပြီးသား။
    ကျုပ်နဲ့လေယာဉ်တစ်စင်းတည်းစီးလာတဲ့ အဖော်တွေက ဒီနိုင်ငံရောက်ကတည်းက အေးဂျင့်က ဘယ်ခေါ်သွားမှန်း မသိဘူး။ ကျုပ်ကတော့ ဂျိုဟိုးဘာရူး ပြည်နယ်ထဲက ပေပါ စက်ရုံကိုရောက်သွားတယ်။ ခင်ဗျားသိတဲ့အတိုင်းပဲ။ကျုပ်ကအိမ်မှာထမင်းတောင်ကိုယ်တိုင်ချက်မှစားရမယ်ဆိုရင်မစားဘူး။ ရောက်သွားတာက ပေပါစက်ရုံဆိုတော့ တွက်သာကြည့်ပေတော့။ နေ့ရှိသရွေ့ ထုနေထောင်းနေရတော့တာ။ အိမ်တုန်းက နုဖတ်နေတဲ့ ကျုပ်လက်တွေက ဘုတွေ ဒစ်တွေနဲ့ ဖြစ်ကုန်တယ်။
    ရတော့လည်း ကြည့်ဦး။ ကုန်းရုန်းသာ လုပ်နေရတာ။ရတော့ တစ်ပဲခြောက်ပြား။ တစ်လလုံး လုပ်လို့ ရှစ်ရာ မပြည့်ဘူး။ထမင်းစရိတ်နဲ့၊ အိမ်ကို ဖုန်းဆက်တာနဲ့ ဆိုတော့ လွန်ရော ကျန်ငါးရာ့ ငါးဆယ်၊ ခြောက်ရာပေါ့။ အဲဒီထဲအေးဂျင့်ဆိုတဲ့ကောင်ကဖြတ်လိုက်တောက်လိုက်တော့‘‘ဟဲ့..သား...ဘယ်လောက်လွှဲလိုက်သလဲ’’လို့မေးလိုက်တိုင်း ကျုပ်မှာ ခွေးအကြီး လှည်းနင်းသလိုဖြစ်ဖြစ်နေတာ။ ကောင်းရောဗျာ၊ ဟား... ဟား... ။
    ကိုထွန်းကျော်ထက်ကသူ့ စကားသူ သဘောကျဟန်နဲ့ အားရပါးရ ရယ်ချလိုက်တော့ကျွန်တော်တို့ ကို အုပ်မိုးထားသည့်ကုက္ကိုပင်ကြီးထက်မှငှက်တစ်အုပ်အလန့် တကြားထပြန်သွားကြသည်။လမ်းမကြီးထက်၌ ရောင်စုံ ကားတချို့ ပြေးလွှားနေကြသည်မှာ သက်ရှိ ပန်းချီကားတစ်ချပ်အား ကြည့်ရသည်နှင့်ပင် တူနေတော့သည်။ ကိုထွန်းကျော်ထက်က ခပ်လှမ်းလှမ်းမှ မာနကြီးတစ်ခွဲသားနှင့် ရပ်နေသော ကိုတာရာယာ ကုန်တိုက်ကြီးအား သဘောကျ နှစ်ခြိုက်စွာ ကြည့်ရင်း သူ့စကားအား ဆက်ပြန်သည်။
    ကြံရာမရတဲ့ အဆုံး ကျုပ် အဲဒီစက်ရုံကနေ ထွက်ပြေးလာခဲ့တယ်။ အေးဂျင့်ကိုလည်း မပြော၊ သူဌေးကိုလည်း မပြောဘဲထွက်လာခဲ့တာဆိုတော့ ကျုပ် အိုဗာစတေး ဖြစ်သွားတာပေါ့။ အိုဗာစတေး ဖြစ်ပြီးမှ ကျုပ်လုပ်ခဲ့တဲ့ အလုပ်တွေ ပြောရရင် ခင်ဗျားပါမောသွားလိမ့်မယ်။ ဒါပေမယ့် အခုအချိန်မှာတော့ အဲဒါတွေ အားလုံးက လှေကားထစ်တွေပေါ့ဗျာ။ ကျုပ်ကို အမြင့်ကို ပို့ပေးတဲ့ လှေကားထစ်တွေပေါ့။
    စိတ်ကြိုက်မတွေ့မချင်း ကျုပ်အလုပ်ပြောင်းလာလိုက်တာ နောက်ဆုံး လောင်းကစားရုံ တစ်ရုံမှာ ကျုပ် အလုပ်မြဲသွားတယ်။ လုပ်ရတဲ့အလုပ်က (Marker) မာကာ ပေါ့ဗျာ။ မြန်မာပြည်မှာဆို သုံးဆယ့်ခြောက်ကောင် ပုံစံမျိုးပေါ့။ တရားမ၀င် လောင်းကစားရုံပေါ့ဗျာ။
    ပွဲတော်တွေ ရှိတဲ့အခါ ပွဲဈေးတွေမှာ လိုက်ဖွင့်တယ်။ မရှိရင်တော့ ကိုယ့်ဆိုင်ခန်းမှာ ကိုယ် ပြန်ဖွင့်ရတယ်။ အလုပ်ကတော့ ဖြစ်ပါတယ်။ ဒါပေမယ့် သိတယ်မဟုတ်လား။ လောင်းကစားရုံဆိုတော့ လူဆိုးလူမိုက်တွေ လာတယ်။ ရန်ပွဲတွေ ဖြစ်တယ်။ ပြေးရလွှားရတာတွေ ရှိတယ်။ ဒါပေမယ့် အဲဒါတွေက ပြဿနာ မဟုတ်ပါဘူးဗျာ။ ပြဿနာက... ။
  ကျွန်တော်တို့ ရှေ့တည့်တည့် ကားလမ်းမကြီးထက်၌ကန့်လန့်ဖြတ် အနေအထားရှိသော ရထားလမ်းအတိုင်း မိုးပျံရထားတစ်စင်းကအရှိန်ပြင်းပြင်းနှင့် ဒုန်းစိုင်းသွားသည်။ ရထားနှင့် လိုက်ပါသွားသော မျက်လုံးတို့အားပြန်ဆွဲယူပြီးကိုထွန်းကျော်ထက်အားကြည့်လိုက်တော့သူကဆေးလိပ်မီးအားမီးညှိနေရာမှ ပြုံးပြနေသည်။မလေးရှားနေကမျိုသိပ်ထားခဲ့ရသမျှဖွင့်အန်ချခွင့်ရသလိုအငြိုးအတေးဖြင့်အစွမ်းကုန်ပူပြနေသည်။ကျွန်တော်လွင့်နေသောစိတ်အား ကိုထွန်းကျော်ထက်ထံ ပြန်ပို့လိုက်သည်။
    ပြဿနာက ကျုပ် အဖမ်းခံရတာပဲ။ ကျုပ် အဲဒီလောင်းကစားရုံမှာ လုပ်နေတုန်း တစ်နှစ်မပြည့်ခင် အဖမ်းခံရတာပေါ့။ အဖမ်းမခံရခင်တော့ ရသလောက် ကျုပ် ပိုက်ဆံပို့ပေးပါသေးတယ်။ပို့သာ ပို့ရတာပါဗျာ။ ပို့သမျှဒေါ်လေးသီအတွက်ချည်းပဲ။အတိုးလေးအရင်ဆပ်၊အဲ...အရင်းလည်းဆပ်မယ်ကြံရော ထောင်ထဲရောက်သွားတာပဲ။
    အရင်ဆုံး ကျုပ်ကို စွန်ဂိုင်းဘူလို့ထောင်ကို ပို့လိုက်ကြတယ်။ အဲဒီထောင်ကြီးက မသိရင် မန်ချက်စတာ ယူနိုက်တက်ခ်ဘောလုံးကွင်းကြီးထဲပဲ ရောက်သွားသလိုလိုဗျ။ အလယ်မှာ ကွင်းပြင်အကျယ်ကြီး ရှိပြီးဘေးပတ်ချာလည်ကပုံစံတူအဆောက်အဦးတွေနဲ့ဝိုင်းထားတာ။ကွင်းပြင်ထဲကို အဆောင်တွေပေါ်ကနေ အလွယ်တကူ မြင်ရတယ်။ အဆောင်ပေါင်း အတိအကျတော့ မမှတ်မိတော့ဘူးရယ်။ များတော့ များတယ်။ တစ်ဆောင်ကို အထပ် သုံးထပ်။ တစ်ထပ်မှာ အခန်းပေါင်း ခုနှစ်ခန်းဆိုတော့ တစ်ဆောင်ကို
အခန်းပေါင်း နှစ်ဆယ့်တစ်ခန်းပေါ့။ တစ်ခန်းကို အနည်းဆုံး လူ ငါးယောက်နေရတယ်။
    အဲဒီဆောင်ကို ရောက်လာတဲ့ လူတွေကတော့ အစုံပေါ့ဗျာ။ ကြိုးမိန့်ကျမယ့်လူတွေ ပါတယ်။ မုဒိန်းမှု ကျူးလွန်တဲ့ လူတွေပါတယ်။ ဆေးမှု၊ လုယက်မှု စုံလို့ပေါ့ဗျာ။ ကျုပ်ကတော့ ‘‘ကိုဆုန်း’’မှုတဲ့။ သဘောကတော့ လက်ထဲ ဘာမှမရှိတဲ့ အမှု၊ အိုဗာစတေးမှုပေါ့ဗျာ။ အဲဒီထောင်ထဲမှာ ကျုပ် တစ်လနေရတယ်။ ရမန်ယူတာတဲ့။အဲဒီထောင်ကို ရောက်လာတဲ့လူတွေက အမိန့်မချရသေးတဲ့ လူတွေ
ဗျ။ အမိန့်ချပြီးတော့မှ တခြားနေရာကို ပို့မှာတဲ့။ အဲဒီထောင်ထဲမှာ နေရတဲ့ ရက်တွေကတော့ အဆင်ပြေပါရဲ့ဗျာ။ မသိများ မသိရင်တော့ လေ့လာရေးပဲ သွားနေရသလိုလို။
    အဲဒီကနေ တစ်လပြည့်တော့ ကျုပ်ကို ကာဂျန်းထောင်ပို့လိုက်တယ်။ အဲဒီထောင်ကျတော့ တစ်မျိုး။ အင်္ဂလိပ်အက္ခရာ(T)‘‘တီ’’ပုံစံလိုမျိုး။ နိုင်ငံသား၊ ကြိုးသမား၊ ဆေးသမား။ သူ့လိုင်းနဲ့သူ။ အဲဒီ ကာဂျန်းထောင်ကမှ တကယ့်ထောင်ဗျို့။ ထောင်ထဲကို ရောက်ရောက်ချင်း ကျုပ်ဆံပင်မွေး လက်တစ်ဆစ်လောက်ကို မော်တာနဲ့ထိုးချပစ်တော့တာပဲ။ ပြီးတော့ ကျုပ်ကို လာမေးတယ်။ အလုပ်လုပ်
မှာလားတဲ့။ ထောင်ထဲမှာ အလုပ်လုပ်မှာလားဆိုတော့ ကျုပ် အံ့သြသွားတယ်။ ဘာလုပ်ရမလဲဆိုတော့ လက်အိတ်စက်ရုံဖြစ်ဖြစ်၊မီးချောင်းစက်ရုံဖြစ်ဖြစ်၊မီးဖိုဆောင်မှာပဲဖြစ်ဖြစ်ကြိုက်တာလုပ်တဲ့။တစ်နေ့ လေးကျပ်ပေးမယ်တဲ့။
    ကျုပ်နေရတဲ့ အခန်းထဲက ကျုပ်ရယ်၊ နောက်ထပ် လူသစ်တစ်ယောက်ရယ် စာရင်းပေးလိုက်ကြတယ်။ အလုပ်ကမီးဖိုဆောင်အလုပ်ကိုပဲရွေးလိုက်တယ်။အလုပ်စဆင်းတော့ ဘာရယ်မဟုတ်ပါဘူး။ ထောင်သားတွေ စားဖို့ထမင်းချက်ရတာပါ။ဆန်ကတော့အပြင်ဆန်လိုပါပဲ။ဟင်းကတော့ပုံမှန်ငါးကြော်တစ်တုံး၊ကန်စွန်းရွက်ကြော်ဖြစ်ဖြစ်၊ တခြား အသီးအရွက်ဖြစ်ဖြစ် တစ်ခွက်ပါတယ်။
    ခင်ဗျား တွေးမိလား... ။ လေးကျပ်ထဲနဲ့များ လုပ်နေရသေးသလားလို့။ မလုပ်ချင်လည်း ရတယ်ဗျ။ ကိစ္စမရှိဘူး။ထမင်းတော့ ကျွေးတာပါပဲ။ ဒါပေမယ့် လုပ်တော့ ထောင်သားတွေ ပို့ပြီးတာနဲ့ အမုန်းဆွဲရတော့တာ။ ထောင်သားချင်း အတူတူ ကျုပ်တို့က ဗိုက်ခွေးနမ်းတဲ့ ထောင်သားပေါ့။
    ပထမဆုံးနေ့ကတော့ အလုပ်က ရွှန်းလို့ဗျို့။ တစ်နေ့နှစ်ကြိမ် ကွင်းပြင်ထဲမှာ တန်းစီလိုက်။ စားဖိုချောင်မှာချက်ပြုတ်လိုက်ပို့ လိုက်။အလုပ်လုပ်ရတာပျာ်စရာတောင်ကောင်းသေး။ဒါပေမဲ့ကျူပ်တို့ကလူသစ်ဆိုတော့နည်းနည်းတော့အငေါက်ခံရပိုလုပ်ရတာပေါ့ ။အသစ်ဖြစ်ရတာထောင်ထဲမှာတောင်မကောင်းဘူးကိုယ့်လူရေ ။တွေ့ ရတာကလည်း လူမျိုးစုံဆိုတော့။
   နောက်နေ့ လည်းရောက်ရောပြဿနာတက်တော့တာပဲ။ကျူပ်နဲ့ တစ်ခန်းထဲနေတဲ့တစ်ယောက်ကမလုပ်
ချင်တော့ဘူးတဲ့။အခန်းထဲမှာခွေနေခဲ့တယ်။ကျုပ်တို့ နေ့ လည်စာစားသောက်ပြီးပြန်လာတော့အခန်းထဲမှာအဲဒီတစ်ယောက်မတွေ့ တာနဲ့ မေးကြည့်တော့
အခန်းထဲကလူတွေကထောင်အလည်ကကွင်းပြင်ကြီးကိုမေးငေါ့ပြတယ်။လား..လား...နေပူထဲအမဲခြောက်ကင်နေတာဗျိုး။ကျုပ်လူတစ်ယောက်တည်းမဟုတ်ဘူးစုစုပေါငါးခုနှစ်ယောက်တောင်။တမံတလင်းပြောင်ပေါ်မှာ ပက်လက်လှန်၊ခြေထောက်နှစ်ချောင်းကိုဒကောက်ကွေးကနေအထက်မြှောက်၊လက်နှစ်ဖက် နောက်ပစ်ပြီးခေါင်းကိုပြန်မထားရသေးတယ် ။ချွေးတွေ သံတွေနဲ့ တစ်ချက်မှ လှုပ်ခွင့်မရဘူး ။
 ကျုပ်ကြည့်နေတုန်းမှာပဲ ထောင်ထဲမှာယူကေဘီလို့ ခေါ်တဲ့ ဒေါင်ကောင်းကောင်းခပ်တောင့်တောင့်လူတွေဝတ်စုံပြည့်နဲ့ ထွက်လာကြတယ် ။လက်ထဲမျာလည်းသံချိုင့်ကြီးတွေတစ်ယောက်တစ်လုံးနဲ့ ။ခင်ဗျားမြင်ရင်ဒူးတွေတုန်နေမှာမြင်ယောင်သေးတယ် ။အင်္ကျီချွတ်ပြီးခါးတောက်းကျိုက်ပေးလိုက်လိုက်တော့ဇာတ်တော်ပန်းချီကားထဲကငရဲသားကြီးတွေလားကျလို့ ။
 အဲဒီလူတွေကဟိုအမဲခြောက်တွေဆီသွားပြီးသံချိုင့်ထဲကအရည်တွေနဲ့ လောင်းပါရောဗျို့။ လောင်းလည်းချလိုက်ရောဟိုလူတွေက“ပါးနပ်...ပါးနပ်”လို့ ထအော်တယ်။သြော်..ပါးနပ်ဆိုတာလား ပါးနပ်ဆိုတာပူတယ် လို့ အော်တာ ။ အော်လိုက်တာမှ အသံပြဲကြီးတွေနဲ့ အော်တာ။
     “ပါးနပ်...၊ ပါးနပ် လားရော့  ၊ ပါးနပ်လား ရော့ ” ဆိုပြီးပူတယ်ပူတယ်လို့ အော်တာနဲ့ စီးထားတဲ့ ဖိနပ်နဲ့ နီးရာ ကျုံးကန်တော့တာပဲ ဗျိုး။ အရှင်လတ်လတ်ကို ရေနွေးပူလောင်းမှတော့ အော်ပြီပေါ့ ။ဒါကို အော်ရမလားဆိုပြီး ထပ်ကန်တော့ သေပြီပေါ့ ။
     လောင်းချလိုက် ၊ အော် လိုက် ၊ ကန်လိုက်နဲ့  ကြာတော့ နေပူထဲက လူခု နှစ်ယောက်လုံး အသေကောင်
ကြီးတွေလို အရုပ်ကြိုးပြတ်ဖြစ်သွားတယ် ။ပုံကျ သွားတဲ့ လူတွေ ကို နေပူထဲ ဒီအတိုင်းပစ်ထားလိုက်တာဗျ ။
ကျုပ်လည်းညနေပိုင်းမီးဖိုချောင်ဝင်၊စားသောက်ပြီးပြန်လာလို့ ကြည့်လိုက်တော့ဘယ်ရွှေ့သွားလည်းမသိဘူး။ တစ်ယောက်မှမရှိတော့ဘူး။တချို့ကလည်းသေရောပေါ့တဲ့။တချို့ကလည်း မြစ်ထဲ မျှောပစ်ပြီတဲ့။ သေချာတာကတော့
ထောင်ထဲကို အဲဒီလူတွေ လုံးဝပြန်မလာကြတော့ဘူး။
    ကျုပ်လည်း တော်တော်ကျွတ်သွားတယ်။ အလုပ်ကိုမှန်မှန်သွားတယ်။ အထဲမှာ လိမ်လိမ်မာမာနေတယ်။ တကယ်တမ်းပြောရရင် ကျုပ်အမှုက သိပ်မကြီးဘူးဗျ။ ပတ်စပို့စ် မရှိတဲ့ အမှုဆိုတော့ အမှုသေးပေါ့။ ဟင်... ရှိတာပေါ့ဗျ။ဒီနိုင်ငံမှာဒီလိုပဲရှောင်ရင်းတိမ်းရင်းနေကြတဲ့လူတွေရှိတာပေါ့။ဖမ်းမိတော့လည်း ထောင်ထဲဝင်လိုက်
၊ ပြန်ထွက်လာတော့လည်း ပြန်လုပ်စားလိုက်ကြပေါ့။
       အဲဒီကာဂျန်းထောင်ထဲမှာတစ်လနဲ့ နှစ်ဆယ့်ငါးရက်ကြာတော့ကျုပ်ကို ထောင်အရာရှိတစ်ယောက်က
 ခေါ်တွေ့တယ်။ ဘာလူမျိုးလဲတဲ့။ ကျုပ်လည်း မြန်မာပါပေါ့။ ဘာလာလုပ်တာလဲတဲ့။ အလုပ်လာလုပ်တာပေါ့။ ဘာလို့ပတ်စပို့စ်နဲ့မလာတာလဲတဲ့။ကျုပ်လည်းဘယ်နေလိမ့်မတုန်း။လာတုန်းကတော့ပတ်စပို့စ်နဲ့လာတာပါတို့ ဘာတို့ ပြန်ပြောတာပေါ့။ မြန်မာပြည်ပြန်မလား၊ ဒီနိုင်ငံမှာပဲဆက်ပြီး အလုပ်လုပ်ချင်သေးလားတဲ့။
    အဲဒီလို မေးလိုက်တဲ့ အချိန်မှာ ကျုပ်မျက်လုံးထဲ တန်းဝင်လာတာက ဘယ်သူ့မျက်နှာကြီးဖြစ်မလဲ ခင်ဗျား စဉ်းစားကြည့်ဗျာ။ တချို့ဆို အဖေ့မျက်နှာ၊ ဒါမှမဟုတ် အမေ့မျက်နှာပေါ့။ ဒါမှ မဟုတ် မိန်းမမျက်နှာ၊ ဘာညာပေါ့ဗျာ။ ကျုပ်ကတော့ အဲဒါတွေ တစ်ခုမှ မဟုတ်ဘူးဗျာ။ ကျုပ် မြင်လိုက်မိတာက... ။
    လေပူတချို့က ကုက္ကိုလ်ရွက်အဟောင်းတို့အား ဆွဲခါပစ်လိုက်သည်။ လေပွေအသေးစားလေးနှင့်အတူ အမှိုက်တချို့ ဝေ့၍ ဝေ့၍ လေထဲသို့ မြောက်တက်ပါသွားကြသည်။ လမ်းမကြီးပေါ်၌ ကားတန်းကြီးက ရထားကြီးတစ်စင်းရပ်ထားသကဲ့သို့ ယာဉ်ကြောကျပ်လျက်ရှိသည်။ ကိုထွန်းကျော်ထက်က ပြောလက်စ စကားကိုခဏရပ်ပြီး ဆေးလိပ်ကို အငမ်းမရ ဖွာရှိုက်နေပြန်သည်။ သူ့ပါးစပ်မှ မှုတ်ထုတ်လိုက်သော မီးခို့ငွေ့တို့က ၀လုံးပုံသဏ္ဍာန် အကွင်း အကွင်းမှ ကြီး၍ ကြီး၍ လေထုထဲ၌ လွင့်ပျယ်ပျောက်ကွယ်သွားသည်။
    ကျုပ် မြင်လိုက်မိတာက ကျုပ် အဒေါ် ဒေါ်လေးသီရဲ့မျက်နှာကြီးဗျ။ မရယ်ပါနဲ့ဗျ။ တကယ်ပြောတာ။ ခင်ဗျားတွက်ကြည့်လေဗျာ။သူ့ဆီကယူထားတဲ့ငွေတိုးတွေဘယ်လောက်အထိများနေပြီလဲဆိုတာ။ ပြန်ချင်လိုက်သမှဗျာ။ အဖေရယ်၊ အမေရယ်က လွဲလို့ ကျန်တာတွေ ဘာမှမတွေးချင်တော့ဘူး။ ဘယ်လောက် ဆင်းရဲ ဆင်းရဲ၊ နောက်ဆုံး လျှာပေါ်မြက်ပင် ပေါက်ချင်ပေါက်ပါစေဗျာ။အိမ်ကို ပြန်လိုက်ချင်တာပဲ။
    ဒါပေမယ့် ကျုပ် အဲဒီအရာရှိကို ဖြေလိုက်တယ်။ ဒီနိုင်ငံထဲမှာပဲ ဆက်နေချင်သေးတယ်လို့။ အဲဒီအရာရှိကလည်း စားပေါက်ထွင်နေကျနဲ့ တူပါရဲ့ဗျာ။ ချက်ချင်း ဓာတ်ပုံတစ်ပုံ ထုတ်ပြတယ်။မင်း အဲဒီသူဌေးဆီမှာအလုပ်လုပ်ရမယ်တဲ့။အလုပ်ကကားရေဆေးအလုပ်။ဒါပေမယ့်ပထမခြောက်လစာကိုအရာရှိကသူထုတ်ယူရလိမ့်မယ်တဲ့။သူပြောသလိုဆို ခြောက်လက ကျော်မှ ကျုပ်ရမှာပေါ့ဗျာ။ စဉ်းစားနေချိန် မရပါဘူးဗျာ။ ကျုပ် ခေါင်းပဲတွင်တွင် ညိတ်ခဲ့ရတာပေါ့။
    နောက်နေ့ကျတော့ ကျုပ်ကို ကားတစ်စီးပေါ် တင်ပေးလိုက်တယ်။ ကားရေဆေးရမယ့်အလုပ်ကို ကျုပ် ရောက်သွားရောဆိုပါတော့။ တစ်လ၊ နှစ်လ၊ ခြောက်လ၊ အဲဒီခြောက်လမှာ သူဌေးက ထမင်းကျွေးထားတယ်။ ခြောက်လကျော်မှ လစာပေးတယ်။ထမင်းဖိုးတွေ ပြန်ပေးရတယ်။ အဲဒီတော့မှ ကျုပ် အိမ်ကို ဖုန်းဆက်နိုင်တော့တယ်။ ဒါပေမယ့် ကျုပ် ကံမကောင်းပါဘူးဗျာ။ ကျုပ် ဖုန်းဆက်တော့ အဖေ ဖုန်းလာပြောတယ်။ ‘‘မင်းအမေ မရှိတော့ဘူး’’တဲ့။ ကျုပ်အမေ ဆုံးပြီတဲ့ဗျာ။
    ဟော... ခင်ဗျား စိတ်မကောင်းဖြစ်သွားသလား။ မဖြစ်ပါနဲ့ဗျာ။ ကျုပ်လည်း မပြောမဖြစ်လို့ ပြောရတာပါ။ အဲဒါပဲ။ အဖေ့ဆီ ဖုန်းဆက်ပြီး ကျုပ်လည်း ပေါက်တဲ့နဖူး မထူးတော့ဘူးဆိုပြီး ဒီမှာပဲ ဆက်လုပ်နေလိုက်တော့တယ်။ လူ့ကံဆိုတာ ခက်တော့ အခက်သားလားဗျာ။ သိပ်မကြာပါဘူး။ ကျုပ်အလုပ်ရှင်သူဌေးလည်းသေသွားတယ်။အဲဒီမှာကျုပ်ကံကောင်းလာတယ် ပြောရမှာပေါ့။သူဌေးမရှိတော့တစ်ယောက်တည်းသောအလုပ်သမားဖြစ်တဲ့ကျုပ်ကသူဌေးမိန်းမအတွက် လူယုံဖြစ်လာတာပေါ့။
    သြော်... သူဌေးမိန်းမက အင်ဒိုနီးရှားမဗျ။ မလုပ်တတ်၊မကိုင်တတ်နဲ့ သူနဲ့ကျုပ်နဲ့ နှစ်ပါးသွားရတာပေါ့။ ဟဲ... ဟဲ... ကုန်ကုန်ပြောရရင် သူနဲ့ကျုပ်နဲ့ ညားကြလေသတည်းပေါ့ဗျာ။ ဘယ်ရမလဲဗျ။ ဒီနိုင်ငံသူတွေများတော့ ကျုပ်တို့လိုကောင်တွေက မော့တောင် ကြည့်လို့ရတာ မဟုတ်ဘူး။ ဒါ... အင်ဒိုနီးရှားမမို့လို့ပေါ့။
    ကျုပ်လည်း သူတို့ ကားရေဆေးတဲ့ လုပ်ငန်းကို ဖြုတ်ပစ်ပြီး ကျုပ်ကျွမ်းကျင်တဲ့အလုပ်ကို ပြောင်းပစ်လိုက်တယ်။ ဗျာ... ။ကျွမ်းကျင်တယ် ဆိုတာထက် ခံရပါများလာတော့ သိလာတာပေါ့ဗျာ။ဟုတ်တယ်။ဟုတ်တယ်။အခုခင်ဗျားမြင်တဲ့အတိုင်းပဲ။ကျုပ်အေဂျင်စီတစ်ခု ထောင်ထားတယ်။ တကယ်လို့ ခင်ဗျားအသိ တချို့ လာချင်ရင် ကျုပ် ခေါ်ပေးလို့ရပါတယ်။
    ဘာလုပ်ချင်သလဲ၊စက်ရုံလား။စားသောက်ဆိုင်လား။စိူက်ပျိုးရေးလား။ကြိုက်တာပြော။
 ငွေထုတ်ပေးလို့လည်း ရတယ်။တစ်ခုတော့ ရှိတယ်။ ကျုပ်ကတော့ ကျုပ်အဒေါ်လို အတိုးနဲ့မဟုတ်ဘူးဗျ။ ကျုပ်ကဒီရောက်မှကြည့်ကျက်လုပ်တာ...။ရော့...ဒါကကျုပ်ဘီးစီးနင်းကဒ်။အခုတော့ကျုပ်သိသွားပြီဗျာ။လောကကြီးထဲ လက်မထောင်နိုင်ဖို့ ခေတ်ကို ကောင်းကောင်း အသုံးချတတ်ဖို့ပဲ ဆိုတာ... ။
    ကဲ... သွားပြီနော် စာရေးဆရာ၊ တာ့ တာ... ။

                                                                            လူခါး
                                                 စာပွင့်လွှာ ရသစုံမဂ္ဂဇင်း၊ မလေးရှား 
                                                         ၂၀၁၂ ၊ ဇူလိုင်၊ အတွဲ (၁)

1 comment:

စံပယ်ဖြူ said...

စာပွင့်လွှာမှာ မဖတ်ဖြစ်လို့ ဘလော့မှာ လာဖတ်သွားတယ်နော်။
နောင်တစ်ချိန်ပေါ်လာမဲ့ ဆရာလူခါးဆိုတဲ့ စာပေဂုရုကြီးကို မြင်ယောင်နေမိပါရဲ့ ...