ဒူးအထိ တက်ဝတ်ထားတဲ့ ပုဆိုးနဲ့
တဝက်ချိုး ထုံးထားတဲ့ ကျော်သူစတိုင်လ် လွယ်အိတ်နဲ့
ငါတို့မြို့ကထွက်တဲ့ ဝါးခမောက်နဲ့
မြို့ကလေးမှာ ထစ်ခနဲဆို မင်းလက်ရာချည်းပဲ
ငယ်စဉ်က လူမိုက်အထာနဲ့ ကျောင်းသား
ကြီးတော့ လူမိုက်အထာနဲ့ ကျောင်းဆရာ
၂၀၂၁ ဖေဖော်ဝါရီက စလို့
မင်းဟာ တော်လှန်ရေးသမားဖြစ်သွားတယ်
ကဗျာတဲ့
မင်း ဖက်တွယ်ထားတဲ့ ဓားဟာ
တရားသော စစ်အတွက်လို့
ငါ ယုံတယ် မြို့သစ်။
သူငယ်ချင်းရေ မင်းအတွက်ကွာ
No comments:
Post a Comment